ހއ. އަތޮޅުން ފެށިގެން ނ. އަތޮޅާ ހަމައަށް ވައިޓް އެލާޓް ނެރެފި
1 ޑިސެމްބަރު 2019 | އާދީއްތަ 08:05މެންދުރު 12 ން ފެށިގެން ހަވީރު 5 ޖެހުމާއި ހަމައަށް ހއ އަތޮޅުން ފެށިގެން ނ އަތޮޅުގެ ރަށްތަކަށް ބޯކޮށް ވާރޭވެހުމާއެކު ގުގުރާނެ
ރަށެއްގައި ފެންބޮޑުވެފައި
ހއ އަތޮޅުން ފެށިގެން ނ އަތޮޅާ ހަމައަށް ވައިޓް އެލާރޓް ނެރެފި އެވެ.
މޯލްޑިވްސް މީޓިއޮރޮލޮޖިކަލް ސަރވިސް އިން ބުނީ އާދިއްތަ ދުވަހު މެންދުރު 12 ން ފެށިގެން ހަވީރު 5 ޖެހުމާއި ހަމައަށް ހއ އަތޮޅުން ފެށިގެން ނ އަތޮޅުގެ ރަށްތަކަށް ބޯކޮށް ވާރޭވެހުމާއެކު ގުގުރާނެ ކަމަށެވެ.
މެޓް އޮފީހުން މީގެކުރިން ވަނީ އާދީއްތަ ދުވަހުގެ ހެނދުނު 8:10 އިން 12:00 އެއަތޮޅު ތަކަށް ޔެލޯ އެލާޓް ނެރެފައެވެ.
ކުރިއަށް އޮތް 24 ގަޑިއރަށް އުތުރުގެ ބޮޑުބަޔަކަށް ވިއްސާރަކުރާނެ ކަމަށާއި ބައެއް ރަށްތަކަށް ގުގުރުމާއެކު ބޯކޮށް ވާރޭވެހޭނެކަމަށްވެސް ލަފާކުރެވޭ ކަމަށް މެޓް އޮފީހުން މައުލޫމާތު ދެއެވެ. މެދުތެރެއާއި ދެކުނުގެ އެކިހިސާބަށް ވިއްސާރަކުރާނެ ކަމަށާއި ގުގުރުން އެކަށީގެންވާ ކަމަށް މެޓް އޮފީހުން މައުލޫމާތު ދެއެވެ.
ހުރިހާ ފަރާތްތަކުން މޫސުމަށް ސަމާލުވުމަށް މެޓް އޮފީހުން ވަނީ އިލްތިމާސް ކޮށްފައެވެ.
