އީރާނުން އެމެރިކާގެ ސީއައިއޭ އާ ގުޅުން އޮތް 08 މީހަކު ހައްޔަރުކޮށްފި

އެމެރިކާގެ ސެންޓަރަލް އިންޓެލިޖެންސް އެޖެންސީ (ސީއައިއޭ) އާ ގުޅުން އޮތް 08 މީހަކު އީރާނުގެ ސަލާމަތީ ބާރުތަކުން ހައްޔަރުކޮށްފިއެވެ.

ބުދަ ދުވަހު އީރާނުގެ އޮފިޝަލް ނިއުސް ޗެނަލްއިން ރިޕޯޓުކޮށްފައިވާ ގޮތުގައި މިދިޔަ ހަފުތާ ތެރޭގައި އީރާނުގައި ޕެޓްރޯލްގެ އަގުބޮޑުވުމާއި ގުޅިގެން ބޭއްވި މުޒާހަރާތަކުގައި ޙަރަކާތްތެރިވަމުންދަނިކޮށް އެމެރިކާގެ ސީއައިއޭއާ ގުޅުން އޮތް 08 މީހަކު ކަމަށެވެ.

މިމުޒާހަރާގައި ބައިވެރިވި މީހުންނަކީ ސީއައިއޭ އިން ތަމްރީނުކޮށްފައިވާ ސިޓިޒަން ޖަރނަލިސްޓުން ތަކެއް ކަމަށް ބައިނަލްއަޤުވާމީ މީޑިއާތަކުން ރިޕޯޓުކުރެއެވެ.

ބައެއް މީޑިއާތަކުގައި ރިޕޯޓުކޮށްފައިވާ ގޮތުން ހައްޔަރު ކުރި މި 08 މީހުންގެ ތެރެއިން 06 މީހުން ހައްޔަކުރީ މުޒާހަރާގައި އަމަލީ ގޮތުން ބައިވެރިވަނިކޮށް ކަމަށާއި، އަނެއް 02 މީހުން ހައްޔަރުކުރީ ޤައުމުން ބޭރަށް ޖާސޫސީ މަޢުލޫމާތު ފޮނުވަން އުޅެނިކޮށްނެވެ.

އީރާނުގެ ރޫހީ ލީޑަރު އާޔަތުﷲ ޢަލީ ޚާމަނާއީ ވިދާޅުވީ މިމުޒާހަރާތަކަކީ ބަޔަކު ވަރަށް ނުބައި މަޤްޞަދެއްގައި ރާވައިގެން ހިންގާ ޖަރީމާތަކެއް ކަމަށެވެ. އަދި މިކަން ކުރުވުމަށް ބަޔަކު މީހުން ގިނަ ފައިސާ ޚަރަދުކޮށްގެން މީހުން ތަމްރީނުކޮށް، ބޮޑު ހަމަނުޖެހުމަށް ހިންގުމަށް މަސައްކަތްކޮށްފައިވާ ކަމަށް ޚާމަނާއީ ވިދާޅުވިއެވެ.

މިމުޒާހަރާތަކުގައި މަރުވި މީހުންގެ ޢަދަދު އަދި މިހާތަނަށް ރަސްމީކޮށް އީރާނުގެ އެއްވެސް އިދާރާއަކުން ހާމަކޮށްފައިނުވެއެވެ.