މިއަދު މަޖިލީހުގެ ޖަލްސާ އަށް މިނިސްޓަރ އަސްލަމް ހާޒިރު ކުރަނީ
އަސްމަލް ހާޒިރު ކުރައްވަނީ މެންބަރު އަލީ ހުސައިންގެ ސުވާލަށް ޖަވާބުދާރީވުމަށް
މިނިސްޓަރ އޮފް ނެޝަނަލް ޕްލޭނިން އެންޑް އިންފްރާސްޓަރކްޗަރ މުހައްމަދު އަސްލަމް
ރައްޔިތުންގެ މަޖިލީހުގެ ހޯމަ ދުވަހުގެ ޖަލްސާ އަށް މިނިސްޓަރ އޮފް ނެޝަނަލް ޕްލޭނިން އެންޑް އިންފްރާސްޓަރކްޗަރ މުހައްމަދު އަސްލަމް ހާޒިރު ކުރުމަށް ނިންމައިފިއެވެ.
މަޖިލީހުގެ ޖަލްސާއަށް މިނިސްޓަރ އަސްލަމް ހާޒިރު ކުރުމަށް ނިންމާފައިވަނީ ކެންދޫ ދާއިރާގެ މެންބަރު އަލީ ހުސައިން ހުށަހަޅުއްވާ ސުވާލަށް ޖަވާބުދާރީ ވުމަށެވެ.
މެންބަރު އަލީ ހުސައިން މިނިސްޓަރާއި ސުވާލު ކުރެއްވުމަށް ހަމަޖެހިފައިވަނީ ބ. ކިހާދޫ، ކުޑަރިކިލު އަދި ދޮންފަނުގެ ބަނދަރު ހެދުމުގެ ޕްރޮޖެކްޓަކީ 2019 ވަނަ އަހަރުގެ ބަޖެޓުގައި ހިމެނިފައިވާ މަސައްކަތްތަކަކަށް ވާއިރު އެ މަސައްކަތްތައް ފެށޭނެ ތާރީޚާއި ގުޅޭ ގޮތުންނެވެ.
މީގެ އިތުން މެރިޓައިމް އިންޑަސްޓްރީގެ ފަރާތުން ފާޅުކުރައްވާފައިވާ ކަންބޮޑުވުންތަކާއި ގުޅޭގޮތުން ޤަރާރެއް ހުށަހެޅުމަށް ހޯމަ ދުވަހުގެ ޖަލްސާއަށް ވަނީ އެޖެންޑާ ކުރެވިފައެވެ.
މި ޤަރާރު ހުށަހެޅުއްވުމަށް ހަމަޖެހިފައިވަނީ މަކުނުދޫ ދާއިރާގެ މެންބަރު މުހައްމަދު ރާޢީ އެވެ.
