ވޯކްޝޮޕެއްގެ ޖަންކްޝަނެއްގައި ގޭސް އުފެދި ގެއްލުންތަކެއް ވެއްޖެ
އެއްވެސް މީހަކަށް ގެއްލުމެއް ނުލިބޭ
ތޮއްޖެހިފައިވާ މާލެ، ގިނަ ވޯކްޝޮޕްތައް މީހުން ދިރިއުޅޭ ގޭގެގައި ވެސް ހިންގަމުންދޭ
ހެންވޭރު ގެއެއްގައި ހިންގާ ވޯކްޝޮޕެއްގެ ތެރޭ ހުރި ޖަންކްޝަނެއްގައި ގޭސް އުފެދި, ޖަންކްޝަން މަތިގަނޑު ކުއްލި އަކަށް އެރުމާއެކު ވޯކްޝޮޕަށް ގެއްލުންތަކެއް ވެއްޖެ އެވެ.
ފުލުހުންގެ މީޑިއާއިން ބުނީ ޖަންކްޝަނުގައި ގޭސް އުފެދި، އޭގެ މަތިގަނޑު ކުއްލިއަކަށް އެރުމާ ގުޅިގެން އެ ވޯކްޝޮޕްގެ ބިއްލޫރިގަނޑުގައި ޖެހި ބިއްލޫރި ގަނޑު ތަޅައިގެން ގޮސްފައިވާ ކަމަށެވެ.
ފުލުހުން ބުނީ ހޮނިހިރު ދުވަހުގެ 10:20 އެހާކަންހާއިރު، ފުލުހުންގެ އިދާރާއަށް ރިޕޯޓްކޮށްފައިވާ އެހާދިސާގައި އެއްވެސް މީހަކަށް ގެއްލުމެއް ލިބިފައި ނުވާކަމަށެވެ.
މީގެއިތުރުން ފުލުހުން ބުނީ ޖަންކްޝަނުގައި ގޭސް އުފެދި މަތިގަނޑު މައްޗަށް އެރި ހާދިސާ ފުލުހުން ތަހުގީގު ކުރަމުންދާ ކަމަށެވެ. މިހާދިސާގެ އިތުރު އެއްވެސް ތަފުސީލެއް ފުލުހުން އަދި ހާމަކޮށްފައެއްނުވެއެވެ.
