ހީނާ ޚާންގެ ފިލްމު "ހެކްޑް" އަންނަ އަހަރުގެ ޖެނުއަރީގައި ރިލީޒްކުރަނީ

މަޝްހޫރު ޓީވީ ބަތަލާ ހީނާ ޚާން އެކްޓްކުރާ ފިލްމް "ހެކްޑް" އަންނަ އަހަރުގެ ޖެނުއަރީ މަހުގެ 31 ގައި ރިލީޒް ކުރަން ނިންމައިފިއެވެ.

ވިކްރަމް ބަޓް ޑައިރެކްޓް ކުރާ މި ރޮމޭންޓިކް ތްރިލަރ ފިލްމްގެ މާބޮޑު ތަފްސީލެއް އަދި ހާމަކޮށްފައިނުވާއިރު މި ފިލްމުގެ ޝޫޓިން ނިންމާލައި މިހާރު އަންނަނީ ޕޯސްޓް ޕްރޮޑަކްޝަން މަސައްކަތްތައް ކުރަމުންނެވެ.

ހީނާ އެންމެ ފުރަތަމަ ފެނިގެންދާނެ ބޮލީވުޑް ފިލްމަކީ ލައިންސްއެވެ. މި ފިލްމް އަދި ރިލީޒްކޮށްފައިނުވާއިރު "ލައިންސް" އަކީ އިންޑިއާގެ ބޯޑަރުގައި ދިރިއުޅޭ އަންހެނެއްގެ ދިރިއުޅުން ދައްކުވައިދޭ ފިލްމެކެވެ.

"ލައިންސް"ގެ ޑައިރެކްޓަރަކީ ހުސައިން ޚާނެވެ. އޭގެ ސްކްރީންޕްލޭ ލިޔެފައި ވަނީ ރާހަތު ކަޒްމީ އާއި ޝަކުތީ ސިންގެވެ.