ކ. މާލެ
|
20 ނޮވެންބަރ 2019 | ބުދަ 18:50
މަރާމާތަށްފަހު މާލޭ ޖަލު އެނެކްސް 1 ހޯމް މިނިސްޓަރ ހުޅުވައިދެއްވަނީ
މަރާމާތަށްފަހު މާލޭ ޖަލު އެނެކްސް 1 ހޯމް މިނިސްޓަރ ހުޅުވައިދެއްވަނީ
ހޯމް މިނިސްޓްރީ
ރާއްޖޭގެ ޖަލުތައް
މަރާމާތަށްފަހު މާލޭ ޖަލު އެނެކްސް 1 އަލުން ހުޅުވައިފި
 
ރާއްޖޭގެ ޖަލުތައް "މަންޑޭލާ ރޫލްސް" އަށް ފެތޭ ގޮތަށް ބައްޓަންކުރަން ވަނީ ފަށާފައި
 
ބަންދު ކުރިއިރު އެނެކްސް 1 ގައި ކުރިން 17 މީހުން ބަންދުކޮށްގެން ގެންގުޅޭ
 
މާލޭ ޖަލު އެނެކްސް 1 ބަންދުކުރީ މި އަހަރުގެ އޭޕްރީލް މަހުގައި

މަރާމާތު ކުރުމަށްފަހު މާލޭ ޖަލުގެ އެނެކްސް 1 އަލުން ހުޅުވައިފިއެވެ.

ބުދަ ދުވަހު މާލޭ ޖަލުގައި އޮތް ރަސްމިއްޔާތެއްގައި މާލޭ ޖަލުގެ އެނެކްސް 1 ހުޅުވައިދެއްވީ ހޯމް މިނިސްޓަރ ޝައިޚް އިމްރާން އަބްދުﷲ އެވެ. އެގޮތުން މިނިސްޓަރ ވިދާޅުވީ، މި މަސައްކަތަކީ ޖަލުތަކުގެ ހާލަތު ރަނގަޅު ކުރުމަށް ސަރުކާރުން ފަށާފައިވާ ގިނަ މަސައްކަތްތަކުގެ ތެރެއިން މަސައްކަތެއް ކަމަށެވެ.

އޭގެ އިތުރުން، ތަނުގެ ހާލަތާއި، ފާޚާނާ ކުރުމުގެ އިންތިޒާމަށްވެސް އެކަށީގެންވާ ހެޔޮ ބަދަލުތަކެއް ގެނެވިފައިވާކަން ފާހަގަކުރައްވައި މިނިސްޓަރ ވިދާޅުވީ، ތަނުގެ ހާލަތު ގޯސްވެ ބަންދުކުރިއިރު އެތަނުގައި 17 މީހުން ބަންދުކޮށްގެން އުޅުނު ކަމަށާއި، ނަމަވެސް ދެން އެތަނުގައި ގިނަވެގެން ބަންދުކުރާނީ 10 މީހުންކަމަށެވެ.

މިތަން ބަންދުކުރެވުނިއިރު ހާލަތު ވަރަށް ދަށްކޮށްހުރީ. މިއީ ސޯޅަ، ސަތާރަ މީހުން ބަންދުކޮށްފައި ބޭތިއްބިފަހުރި ތަންތަން. މިހާރު އަޅުގަނޑުމެން ނިންމާފަ މިއޮތީ މިތަންތަނުގައި ދެން ބައިތިއްބާނީ ދިހަ މީހުންކަމަށް. ފެންވެރުމާ ފާޚާނާ ކުރުމުގެ އިންތިޒާމް އެހުރީ އެކަށީގެންވާ ފެންވަރުގެ ރަނގަޅު ފެންވަރަކަށް ގެންދެވިފަ. ދުވާލު ގަޑީގައި ނިކުމެ ކަސްރަތުކުރާނެ ތަން މިހާރު މިވަނީ އެކަށީގެންވާ ވަރަކަށް އޯޕަންކޮށް މަރާމާތުކުރެވިފަ.
ހޯމް މިނިސްޓަރ ޝެއިޙް އިމްރާން އަބްދުﷲ

ތަނުގެ ހާލަތު ރަނގަޅު ކުރުމަށްފަހު އިތުރަށް ގެންނަ ބަދަލުތަކާއި ގުޅޭގޮތުން މިނިސްޓަރ ވިދާޅުވީ، ކުރިން ހެނދުނު 6 އިން އިރުއޮއްސި 6 އަށް ޤައިދީން ގޮޅިތަކުގައި ތިބެން ޖެހުނު ނަމަވެސް އެކަން ބަދަލުކޮށް، ފަތިހު 5 ޖަހާއިރު ބޭރަށް ނެރުމަށްފަހު ރޭގަނޑު 10 ޖަހާއިރު ގޮޅިތަކަށް ވައްދާގޮތަށް ހަމަޖައްސަވާނެ ކަމަށެވެ.

އޭގެ އިތުރުން، ޖަލުތަކުގެ ހާލަތު ރަނގަޅުކުރުމަށް ކުރާ މަސައްކަތުގައި ކޮމިޝަނަރ އޮފް ޕްރިޒަންސްއާއި، ޑެޕިއުޓީ ކޮމިޝަނަރާއި، އެސިސްޓެންޓް ކޮމިޝަނަރ އަދި ހުރިހާ އޮފިސަރުން ކުރައްވާ މަސައްކަތްތައްވެސް މިނިސްޓަރ ވަނީ ފާހަގަކުރައްވާފައެވެ.

އެނެކްސް 1 ގެ ޔުނިޓް ޕްލޭން- އޮފިސަރުންނާއި ޤައިދީންނަށްވެސް ހިއްސާކުރާނެ

އެނެކްސް 1 އަލުން ހުޅުވުމުން އެތަނުގެ ޕްލޭން ޤައިދީންނަށާއި އޮފިސަރުންނަށް ލިބޭނެ އިންތިޒާމު ހަމަޖައްސަވާފައިވާއިރު، އެޕްލޭންގައި ޤައިދީންނާ މެދު އަމަލުކުރެވޭނެ އުސޫލުތަކާއި، ޤައިދީން އަމަލުކުރަންޖެހޭ އުސޫލުތަކުގެ އިތުރުން ޝަކުވާ ހުށައަޅާނެ ގޮތްތަކާއި، ޝަކުވާ ހުށައެޅުމުގައި ހަވާލާދެވޭނެ ޤާނޫނީ މާއްދާތައްވެސް ބަޔާންކޮށްފައިވާނެ ކަމަށް ހޯމް މިނިސްޓްރީން މައުލޫމާތުދެއެވެ.

އިންސާނީ ކަރާމާތް ގެއްލޭ ގޮތަށް ހަދާފައިވާ ޖަލެއް ކަމަށް ބެލެވޭތީ، މާލޭ ޖަލުގެ އެނެކްސް 1 ގެ ފެންވަރު ރަނގަޅުކުރުމުގެ ގޮތުން މަރާމާތައް ބަންދުކޮށްފައިވަނީ މިއަހަރުގެ އޭޕްރީލް މަހުގެ ތެރޭގައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ޒިހްނަތު ހަސަން
0%
75%
25%
0%
0%
0%
ކޮމެންޓް