ރާއްޖެއިން ހެދި ޑައިވް ރެކޯޑް، ރަސްމީކޮށް ރެކޯޑް ފޮތަށް!
19 ނޮވެމްބަރު 2019 | އަންގާރަ 17:39ރަސްމީކޮށް ރެކޯޑް ފޮތަށް އެރިކަން އަންގާފައިވަނީ ޓޫރިޒަމް މިނިސްޓްރީން ކުރި ޓްވީޓެއްގައި
ފަތުރުވެރިކަމުގެ ދުވަސް ފާހަގަކުރުމަށް އޮކްޓޫބަރު މަހުގެ އެއްވަނަ ދުވަހު ބޭއްވުނު \"ނޭވާ\" އިވެންޓުގައި ރައީސް އިބްރާހީމް މުހައްމަދު ސޯލިހު ބައިވެރިވެވަޑައިގެންނެވި
އޮކްޓޫބަރު މަހުގެ ފުރަތަމަ ދުވަހު ރާއްޖޭގައި ފުރަތަމަ ފަހަރަށް ހެދި ފްރީ ޑައިވް ރެކޯޑް، ރަސްމީކޮށް ރެކޯޑް ފޮތަށް އަރުވައިފިއެވެ.
އެ ރެކޯޑް ހަދާފައިވަނީ ފަތުރުވެރިކަމުގެ ދުވަސް ފާހަގަކުރުމުގެ ގޮތުން މިދިޔަ މަހުގެ އެއް ވަނަ ދުވަހު ކުރިޔަށް ގެންދިޔަ "ނޭވާ" ކިޔާ ހަރަކާތެއްގައެވެ.
ޓޫރިޒަމް މިނިސްޓްރީން ކުރި ޓްވީޓެއްގައި ބުނެފައިވަނީ ރާއްޖޭގައި ހެދި އެންމެ ގިނަ މީހުން އެއްފަހަރާ ފްރީޑައިވް ކުރުމުގެ ވޯލްޑް ރެކޯޑު، ގިނީސް ވޯލްޑް ރެކޯޑު ފޮތަށް ރަސްމީކޮށް މިހާރު އަރުވާފައިވާ ކަމަށެވެ.
މުޅި ޖުމްލަ 521 ޑައިވަރުންނާއެކު ފުރަތަމަ ފަހަރަށް ރާއްޖެއިން ހެދި ފްރީޑައިވް ރެކޯޑްގައި ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙުގެ އިތުރުން ސަރުކާރުގެ މަތީ ބޭފުޅުން ބައިވެރިވެވަޑައިގެންނެވިއެވެ.
30 ސިކުންތު ނޭވާ ހިފަހައްޓައިގެން އަޑީގައި ތިބެ ހެދި އެ ރިކޯޑް ރާއްޖެއިން މުގުރާލާފައިވާއިރު މީގެ ކުރިން އެ ރެކޯޑް އޮތީ އިޓަލީގައިކަން ފާހަގަކޮށްލެވެއެވެ.
