ޑިންގީއިން ފުންމާލި މީހާގެ ހަށިގަނޑު ފެނިއްޖެ
15 ނޮވެމްބަރު 2019 | ހުކުރު 12:07އޭނާ ފުއްމާލީ ކަމަށް މައުލޫމާތު ދީފައިވަނީ އެމްއެންޑީއެފްއިން
އެމްއެންޑީއެފް އިން ބަޔަކަށް އެހީވަނީ
ތިލަފުށިން މާލެ ދަތުރުކުރަމުންދިޔަ ޑިންގީ އަކުން ފުންމާލި މީހާގެ ހަށިގަނޑު ފެނިއްޖެއެވެ.
އެމްއެންޑީއެފް އިން ބުނީ ތިލަފުށިން މާލެ ދަތުރުކުރަމުންދިޔަ ޑިންގީ އަކުން މީހަކު ފުންމައިލައިގެން ހުކުރު ދުވަހު ހަވީރު 15:16 ހާއިރު އެމްއެންޑީއެފް އަށް ރިޕޯޓް ކޮށްފައިވާ ކަމަށާއި، އެމްއެންޑީއެފްގެ އެސްޖީ ޑައިވަރުން ކުރި މަސައްކަތުން މި މިހާގެ ހަށިގަނޑު 16:10 ހާއިރު ހޯދައިފައިވާ ކަމަށެވެ. އެ މީހާގެ ހަށިގަނޑު ފެނިފައިވާ ވަނީ 44 މީޓަރު އަޑިންނެވެ.
އެމްއެންޑީއެފްއިން ބުނީ މަރުވީ މީހާގެ ހަށިގަނޑު މިހާރު މާލެ ގެނެސް އޭޑީކޭ ހޮސްޕިޓަލަށް ގެންދެވިފައިވާ ކަމަށެވެ. އަދި އެ ހާދިސާ ހިނގަން މެދުވެރިވީ ސަބަބު ފުލުހުން ތަހުގީގު ކުރަމުން އަންނަ ކަމަށްވެސް އެމްއެންޑީއެފްއިން ވަނީ މައުލޫމާތު ދީފައެވެ.
