ބްރޯޑްކޮމްއަށް ކުރިމަތިލާފައިވާ 36 ފަރާތަކާއި އިންޓަވިއު ކުރުން ކޮމެޓީގައި ކުރިއަށް!
5 ނޮވެމްބަރު 2019 | އަންގާރަ 05:47އިއްޔެ އާއި މިއަދުވެސް، އަދި މާދަމާ ވެސް އިންޓަވިއުތައް ކުރިއަށް ދާނެ
ބްރޯޑްކޮމްގެ މެމްބަރުން މަޖިލީހުގެ މިނިވަން މުއައްސަސާތަކާބެހޭ ކޮމެޓީގެ ބައްދަލުވުމެއްގައި
މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް)ގެ މެމްބަރުކަމަށް ކުރިމަތިލާފައިވާ ފަރާތްތަކާއި އިންޓަވިއު ކުރުމުގެ މަސައްކަތް ރައްޔިތުންގެ މަޖިލީހުގެ މިނިވަން މުއައްސަސާތަކާބެހޭ ކޮމެޓީން ކުރިއަށް އެބަގެންދެ އެވެ.
ބްރޯޑްކޮމްއަށް ކުރިމަތިލާފައިވާ 36 ފަރާތަކާ އިންޓަވިއު ކުރުމަށް މިނިވަން މުއައްސަސާތަކާބެހޭ ކޮމެޓީން މިދިއަ މަހުގެ 14 ވަނަ ދުވަހު ބޭއްވި ބައްދަލުވުމުގައި ނިންމާފައިވަނީ ނޮވެމްބަރު މަހުގެ 4، 5 އަދި 6 ވަނަ ދުވަހު ކުރިއަށް ގެންދިއުމަށެވެ.
އެގޮތުން މިމަހުގެ ހަތަރު ވަނަ ދުވަހު ކޮމެޓީން ވަނީ ބްރޯޑްކޮމްއަށް ކުރިމަތި ލައްވާފައިވާ ބޭފުޅުންގެ ތެރެއިން ރައީސް އިބްރާހީމް މުހައްމަދު ސޯލިހު މަޖިލީހަށް ފޮނުއްވާފައިވާ ތަރުތީބުން އެފަރާތްތަކާއި އިންޓަވިއު ކުރުމުގެ މަސައްކަތް ވަށާފަ އެވެ.
ބްރޯޑްކޮމްގެ ދެ މަގާމަށް ކުރިމަތިލި ފަރާތްތަކުގެ ތެރެއިން ރައްޔިތުންގެ މަޖިލީހަށް ރައީސުލްޖުމްހޫރިއްޔާ މަޖިލީހަށް ފޮނުއްވާފައިވާ ނަންފުޅުތަކަކީ:
1. އައިޝަތު ޝިފްލާ އިބްރާހިމް
2. މުހައްމަދު ހިލްމީ
3. އަހުމަދު ގައިސް
4. އަލީ ޔޫސުފް
5. އާމިލާ އާދަމް
6. އަހްމަދު ފައިރޫޒް
7. ޖައުފަރު ރަޝީދު
8. އައިޝަތު ދިޔާނާ ތޯހިރު
9. ސައުދާ ސަލީމް
10. ނަފީޒު މުހައްމަދު
11. އަބްދުއް ލަތީފް އަހްމަދު
12. ޔުސްރާ އަހުމަދު
13. އަހްމަދު އަޝްރަފް
14. އަބްދުﷲ ރައްޔާން
15. އާއިޝަތު ލީޒާ
16. އަހްމަދު ޔަމާން މުޝްތާގު
17. މޫސާ ރިލްވާން
18. އިބްރާހިމް ޝަރީފް
19. މުއުމިނާ އާދަމް
20. އަލީ ސައްމާން
21. އަހްމަދު މައުރޫފް
22. އައިޝަތު ހުސެއިން މަނިކު
23. ފާތިނާ ގާސިމް
24. މުހައްމަދު ޝައްމޫން
25. ހިދާޔަތުﷲ
26. އައިޝަތު ތަޝްކީލް
27. އިސްމާއިލް ސާޖިދު
28. ހައްމަދު ސަނޫން
29. އަލީ ސައީދު
30. މުހައްމަދު ސައުޒަމް
31. އިބްރާހިމް ހަމްޒާ ޚަލީލް
32. މުހައްމަދު އިބްރާހިމް މަނިކު
33. މަރިޔަމް ސައާދާ
34. އާފިޔާ އަބްދުލް އަޒީޒް
35. އިބްރާހިމް ނަޝީދު
36. މުހައްމަދު ފަރުހާދު
ބްރޯޑްކޮމްގެ މެމްބަރުކަމުގެ މަގާމަށް ކުރިމަތި ލުމުގެ ފުރުސަތު ހުޅުވާލެވުނީ އެކޮމިޝަންގެ ކުރީގެ ނާއިބު ރައީސް އަބްދުﷲ ސޮފްވާން އާއި އެކޮމިޝަނުގެ މެމްބަރު ހަސަން ނަބާހު އިސްތިޢުފާ ހުށަހެޅުއްވުމާ ގުޅިގެން، އެ ކޮމިޝަނުގެ މެންބަރުކަމުގެ ދެ މަގާމެއް ހުސްވެފައިވާތީ އެވެ.
މީގެއިތުރުން، ކޮމިޝަނުގެ ކުރީގެ ރައީސް މުހައްމަދު ޝަހީބު ވަނީ އިސްތިއުފާ ދެއްވާފަ އެވެ. އޭނާ އިސްތިއުފާ ދެއްވީ އޭނާ އެމަގާމުން ވަކިކުރަން ކޮމެޓީން ނިންމުމާއި ގުޅިގެން މަޖިލީހުގެ ތަޅުމުގައި އެކަމަށް ވޯޓަށް އެހުމުގެ ކުރިން ނެވެ.
މަޖިލީހުގައި ވޯޓަށް އަހައިގެން ކޮމިޝަންގެ މެމްބަރު ކަމުން ވަކިކޮށްފައި ވެސް ވެއެވެ. އެއީ ސޮފްވާން އިސްތިއުފާ ދެއްވުމުން، އެކޮމިޝަނުގެ ނާއިބު ރައީސްގެ މަގާމަށް ވަޑައިގެންނެވި ފާތިމަތު ޒައިނާ އެވެ.
އެކޮމިޝަނުގައި ހަތް މެމްބަރުން ތިއްބަވާއިރު، މިވަގުތު ތިއްބެވީ، ތިން މެމްބަރުންނެވެ. އެއީ ޒީނާ ޒާހިރު އާއި އާމިނަތު ސަހާރަތު އިއްޒަތުގެ އިތުރުން އަމްޖަދު ވަހީދު އެވެ.
މެމްބަރުން ހަމަނުވާތީ، އެކޮމިޝަން ހިންގުމުގައި ދަތިތަކެއް އުޅޭކަމަށްބުނެ، ރައްޔިތުންގެ މަޖިލީހަށް ބްރޯޑްކޮމްއިން ވަނީ ދާދިފަހުން ސިޓީއެއް ފޮނުވާފަ އެވެ.
ބްރޯޑްކޮމްގެ ސެކެރެޓަރީ ޖެނަރަލް މުހައްމަދު ނާސިހް މަޖިލީހަށް ފޮނުވާފައިވާ ސިޓީ ވަނީ ބުދަ ދުވަހު ބޭއްވި މަޖިލީހުގެ މިނިވަން މުއައްސަސާތަކާބެހޭ ކޮމެޓީއަށް އިއްވާދެއްވާފަ އެވެ.
ބްރޯޑްކާސްޓިން ކޮމިޝަނަށް މެމްބަރުން އައްޔަން ކުރަމުންދާއިރު، އެކޮމިޝަނާއި މޯލްޑިވްސް މީޑިއާ ކައުންސިލް އުވާލައި، އެ ދެ މުއައްސަސާގެ ކަންކަން ހިންގުމަށް އެއް ކޮމިޝަން އެކުލަވާލުމަށްޓަކައި، މީޑިއާ ކޮމިޝަނުގެ ނަމުގައި ބިލެއްގެ މަސައްކަތް މިނިވަން މުއައްސަސާތަކާބެހޭ ކޮމެޓީން ގެންދަނީ ކުރަމުންނެވެ.
