ކ. މާލެ
|
4 ނޮވެންބަރ 2019 | ހޯމަ 21:47
ޕާކިސްތާނުގައި ބޭއްވުނު ރެލީއެއްގެ ތެރެއިން
ޕާކިސްތާނުގައި ބޭއްވުނު ރެލީއެއްގެ ތެރެއިން
ޑޯން
ޕާކިސްތާން
ޓެރަރިސްޓް ޖަމާޢަތްތަކަށް ނިސްބަވްތާ މީހުން ޕާކިސްތާނުގެ އިންތިޚާބުގައި ވާދަކުރި: އެމެރިކާ
 
އިންތިޚާބުގައި ލަޝްކަރޭ ތައިބާއަށް ނިސްބަތްވާ ބައެއް މީހުން ވާދަކުރި
 
އަފްޣާނިސްތާނުގައި ހަރަކާތްތެރިވާ އެމެރިކާ ސިފައިންނާއި އަފްޣާން ސިފައިންނަށްވެސް ހުރި ނުރައްކަލެއްކަން އެމެރިކާގެ ޚާރިޖިއްޔާއިން ވަނީ ފާހަގަކޮށްފަ

ޕާކިސްތާނުގައި އެންމެ ފަހުން ބޭއްވި އާއްމު އިންތިޚާބުގައި ލަޝްކަރޭ ތައިބާއަށް ނިސްބަތްވާ ބައެއް މީހުން ވާދަކުރިކަމަށް އެމެރިކާއިން ތުހުމަތުކޮށްފިއެވެ.

އެމެރިކާގެ ސްޓޭޓް ޑިޕާޓްމަންޓެނުން ނެރުނު ރިޕޯޓެއްގައިވާ ގޮތުން މިދިޔަ އަހަރުގެ ޖުލައި މަހު ބޭއްވި އިންތިޚާބުގައި ވާދަކުރި ބައެއް ކެންޑިޑޭޓުންނަށް ޕާކިސްތާނަށް ނިސްބަތްވާ ޓެރަރިސްޓް ޖަމާޢަތެއްކަމަށްވާ ލަޝްކަރޭ ތައިބާއާއި ގުޅުން ހުރި ބައެކެވެ. އެއިންތިޚާބު ކާމިޔާބުކޮށްގެން ބޮޑުވަޒީރުކަމާއި ހަވާލުވެވަޑައިގަތީ އިމްރާން ޚާންއެވެ. ލަޝްކަރޭ ތައިބާއަކީ 2008 ވަނަ އަހަރު އިންޑިއާގެ ވިޔަފާރީގެ މަރުކަޒީ ރަށް މުމްބާއީއަށް ދިން ވަރުގަދަ ޓެރަރިސްޓް ހަމަލާގެ ފަހަތުގައިވާ ޖަމާޢަތެވެ.

ޓެރަރިޒަމަށް ފައިސާ ޚަރަދުކުރުމާއި ގުޅޭ މި ރިޕޯޓުގައި ލަޝްކަރޭ ތައިބާއާއި ޖައިޝޭ މުހައްމަދު ފަދަ ޖަމާޢަތްތަކަށް ފައިސާ ހޯދުމަށް ހުޅުވިފައިވާ ދޮރުތައް ބަންދުކުރުމަށް ޕާކިސްތާން ސަރުކާރަށް ނުކުޅެދިފައިވާ މައްސަލައިގައި އެމެރިކާގެ ސްޓޭޓް ޑިޕާޓްމަންޓުން ވަނީ ވަރަށް ބޮޑަށް އެޤައުމަށް ފާޑުކިޔާފައެވެ. މީގެ އިތުރުން އަފްޣާނިސްތާނުގައި ހަރަކާތްތެރިވާ ތާލިބާނުންނާއި އަފްޣާން ސަރުކާރާއި ދެމެދު ސުލްހައިގެ ވާހަކަތައް ބޭއްވުމަށް ޕާކިސްތާނުން ތާޢީދުކުރިނަމަވެސް، ހައްޤާނީ ނެޓްވޯކްފަދަ އަފްޣާން ޓެރަރިސްޓް ޖަމާޢަތްތަކަށް ރައްކާތެރި މާހައުލެއް ޕާކިސްތާނުގައި ޤާއިމްކޮށްދެވިފައިވާކަމަށް ބުނެ، އެކަމަށްވެސް އެމެރިކާއިން ވަނީ ނުރުހުން ފާޅުކޮށްފައެވެ. ހައްޤާނީ ނެޓްވޯކަކީ އަފްޣާނިސްތާނުގައި ހަރަކާތްތެރިވާ އެމެރިކާ ސިފައިންނާއި އަފްޣާން ސިފައިންނަށްވެސް ހުރި ނުރައްކަލެއްކަން އެމެރިކާގެ ޚާރިޖިއްޔާއިން ވަނީ ފާހަގަކޮށްފައެވެ.

ޓެރަރިޒަމަށް ފައިސާ ޚަރަދުކުރާ ޤައުމުތަކުގެ "ގްރޭ ލިސްޓްގައި" ޕާކިސްތާން ބޭއްވުމަށް، ޓެރަރިޒަމަށް ފައިސާ ޚަރަދަކުރުން ހުއްޓުވާ ބައިނަލްއަޤްވާމީ ޓާސްކްފޯސްކަމަށްވާ ފައިނޭންޝަލް އެކްޝަން ޓާސްކް ފޯސްއިން ވަނީ ޖޫން މަހު ނިންމާފައެވެ. އެނިންމުމުގެ ފަހަތުގައިވާ އެއް ސަބަބަކީ ޓެރަރިސްޓް ޖަމާޢަތްތަކަށް ފައިސާ ލިބޭނެ މަގުތައް ބަންދުކުރުމަށް އދއިން ފާސްކުރާ ޤަރާރުތައް ތަންފީޒުކުރުމަށް ޕާކިސްތާނުން ނުކުޅެދުމެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަމަން ހަލީމް
0%
0%
0%
0%
100%
0%
ކޮމެންޓް
ގުޅުންހުރި
ފުލުހުންގެ ހިދުމަތަށް 91 އަހަރު - މިދިޔަ 5 އަހަރަކީ ފުލުހުންގެ ތަރައްގީއަށް އެންމެ ގިނަ މަސައްކަތްކުރެވުނު 5 އަހަރު
ފައްޔާޒު ފުލުހަށް ހާޒިރުކުރުން: މިއީ އަނިޔާވެރިކަމުގެ ފެށުންތަ؟
މަސްތުވާތަކެތި ބޭނުންކޮށް، ގެންގުޅެ އެތަކެތީގެ ވިޔަފާރި ކުރުމުގެ ތުހުމުގައި މީހަކު ބަންދުކޮށްފި
ސަރުކާރު ބަންދު ގިނަ ދުވަސްތަކެއް އަންނާތީ، މުއްދަތު ހަމާވާ ލައިސެންސްތަކުގެ ތާރީހުތަކަށް ބަދަލުތަކެއް
އެންމެ ޒަމާނީ ވަސީލަތްތައް ހޯދައި، ސިފައިންގެ ގާބިލުކަން އިތުރުކުރުމަށް ދަނީ ގިނަ މަސައްކަތްތަކެއް ކުރަމުން: މިނިސްޓަރު
ތުއްތުކުދިން ޤުރުއާނަށް ލޯބިޖެއްސުމަށް ޤުރުއާން މުބާރާތްތައް ކުރިޔަށް ގެންދިއުމަކީ މުހިންމުކަމެއް - ފަސްޓްލޭޑީ ސާޖިދާ
ރަމަޟާންމަހު ފަހު 10ގައި ބީއެމްއެލްއިން ހިދުމަތްދޭނެ ގަޑިތައް އާންމުކޮށްފި
ގެދޮރުވެރިކަމަށް ބޭނުންޖެހިފައިވާ ދިވެހި ސިފައިންނަށް ގެދޮރުވެރިކަން ޔަގީންކޮށްދޭނަން: ރައީސް މުއިއްޒު