ގައުމީ އަންހެން ވޮލީ ޓީމުގެ ކޭމްޕް ކެންސަލް ކޮށްފި
2 ނޮވެމްބަރު 2019 | ހޮނިހިރު 15:21ގައިމީ އަންހެން ވޮލީ ޓީމުގެ ތެރޭގައި މައްސަލަތަކެއް އުޅޭ ކަމުގެ އަޑު ވަނީ ފެތުރިފަ
އަންހެން ވޮލީ ޓީމު
ގައުމީ އަންހެން ވޮލީ ޓީމު ތަމްރީނު ހެދުމަށް ރާއްޖެއިން ބޭރަށް ކުރަން ހަމަޖެހިފައިވާ ކޭމްޕް ކެންސަލް ކޮށްފިއެވެ.
ވޮލީ ބޯޅަ އެސޯސިއޭޝަން ތެރޭގައި އެކިވަރުގެ ހަމަނުޖެހުން ހިނގަމުންދާ މިދުވަސްވަރު ރާއްޖޭގެ ވޮލީ އެސޯސިއޭޝަން އެފްއައިވީބީ އިން ސަސްޕެންޑް ކުރާނެ ކަމުގެ ބިރުވެސް އެބައޮތެވެ.
ވޮލީ އެސޯސިއޭޝަނުގެ މައްސަލަތައް ފެންމަތިވެގެން ދިޔައީ ވީއޭއެމްގެ އިންތިހާބީ ކޮމެޓީ އަތުން ބާރުތަށް ނަގައި، އެ ބާރުތައް ސްޕޯޓްސް ކޮމިޝަނަރ އަހްމަދު ސަލީމް އިސްވެ ހުންނަވައި ހެދި ވޮލީ ނޯމަލައިޒޭޝަން ކޮމެޓީއާ ހަވާލުކުރި ހިސާބުންނެވެ. ނޯމަލައިޒޭޝަން ކޮމެޓީގެ ދައުރު މިހާރު ވަނީ ހަމަވެފައެވެ.
ދުނިޔޭގެ ވޮލީބޯޅައިގެ މައި އިދާރާ އެފްއައިވީބީ އިން ވަނީ ވޮލީގެ ނޯމަލައިޒޭޝަން ކޮމެޓީގެ ބަލައި ނުގަންނަ ކަމަށާއި އެ ކޮމެޓީއިން ނިންމާ ނިންމުންވެސް ބަލައި ނުގަންނާނެ ކަމަށް ބުނެފައެވެ. މީގެއިތުރުން ވޮލީ ނޯމަލައިޒޭޝަން ކޮމެޓީގެ ބަދަލުގައި ވޮލީ ބޯޅަ އެސޯސިއޭޝަން އޮފް މޯލްޑިވްސް (ވީއޭއެމް)ގެ އިންތިހާބީ ރައީސް މުހައްމަދު ލަތީފް (ލަތީބެ) އާއި މުއާމަލާތުކުރުމަށް ވެސް އެފްއައިވީބީއިން އަންގައިފައެވެ
އެފްއައިވީބީން މިހެން އަންގާފައިވަނިކޮށް، ނޯމަލައިޒޭޝަން ކޮމިޓީން ވަނީ ސައްހަ މެމްބަރު ކްލަބްތަކެއް ކަނޑަ އަޅައި، ވީއޭއެމްގެ އެކްސްޓްރާ އޯޑިނަރީ ކޮންގްރެސްއެއް ބާއްވައި، ހިންގާ ގަވައިދަށް ބަދަލުތަކެއް ގެނެސްފައެވެ.
