ދެ ދިވެހިންނާއެކު ދަތުރުކުރަމުން ދިޔަ މުދާ އުފުލައި ދޯންޏެއް ބަންޑުން ޖަހާލައި އެ ދޯނީގައި ތިބި ދެމީހުން ހޯދަމުން ދަނިކޮށް ސަލާމަތުން ތިއްބާ ފެނިއްޖެއެވެ.
އެމްއެންޑީއެފުން ބުނީ "އިބާ" ނަމަކަށް ކިޔާ މުދާ އުފުލާ ދޯންޏެއް ބަނޑުން ޖަހައިލައިގެން އުޅޭ ކަމުގެ ހަބަރު ބުރާސްފަތި ދުވަހުގެރޭ 22:21 ހާއިރު ރިޕޯޓްކުރުމާއި ގުޅިގެން އެ ސަރަހައްދުގައި އެމްއެންޑީއެފްގެ ސަދަން އޭރިޔާގެ ފުލުހުން ހަރަކާތްތެރިވާން ފެށި ކަމަށެވެ.
އިތުރަށް އެމްއެންޑީއެފުން ބުނީ ގދ. ހޯޑިގަލާ ކައިރިއަށް ބަނޑުން ޖަހާލި ދޯނީގައި ތިބި ދެމީހުން ސަލާމަތުން ތިއްބާ ފެނިފައިވާ ކަމަށެވެ.
ހަބަރުތައް ލިބޭ ގޮތުގައި އެ ދޯނި ދަތުރުކުރަމުން ދިޔައީ ގދ. ތިނަދޫ އިން ފުރައިގެން ގައްދޫ އަށް ދަތުރުކުރަމުން ދިޔަ ދޯންޏެކެވެ.
