އެމްޑީއެން ރިޕޯޓުގައި އިސްލާމް ދީނާއި ރަސޫލާއަށް ފުރައްސާރަ ކޮށްފައިވާތީ އެކަން ފުލުހުން ޔޫތް މިނިސްޓްރީއަށް ހުށަހަޅައިފި
ފުލުހުން ވަނީ އިނީޝިއަލް އެސެސްމެންޓެއް ހަދާފައި
އެމްޑީއެން ރިޕޯޓް މައްސަލައިގައި މާލޭގައި މުޒާހަރާ ކުރަނީ
މޯލްޑިވިއަން ޑިމޮކްރަސީ ނެޓްވޯކް (އެމްޑީއެން) އިން ނެރުނު ރިޕޯޓްގައި އިސްލާމް ދީނަށާއި ކީރިތި ރަސޫލާއަށް ފުރައްސާރަ ކޮށްފައިވާ ކަމަށް ފެންނަ ކަމަށާއި އެ މައްސަލަ ފުލުހުން ޔޫތު މިނިސްޓްރީއަށް ހުށަހަޅައިފިއެވެ.
ފުލުހުން ބުނީ އެމްޑީއެން އިން ނެރުނު "ޕްރިލިމިނަރީ އެސެސްމަންޓް އޮފް ރެޑިކަލައިޒޭޝަން އިން މޯލްޑިވްސް" ރިޕޯޓަށް ފުލުހުން އިނީޝިއަލް އެސެސްމެންޓެއް ހަދާފައިވާ ކަމަށެވެ.
އަދި އެ އެސެސްމެންޓު ހެދުމުން، އެމްޑީއެންގެ ރިޕޯޓުގައި އިސްލާމްދީނަށް ތައުހީނުކުރުމުގެ ގޮތުން ފާޑު ކިޔާފައިވާ ކަމަށާއި، އިސްލާމްދީނާއި ކީރިތި ރަސޫލާއަށް ފުރައްސާރަކޮށްފައިވާ ކަމަށް ޔޫތް މިނިސްޓްރީގައި ދަންނަވާފައިވާނެ ކަމަށެވެ.
އެމްޑީއެންގެ ރިޕޯޓުގެ މައްސަލައިގައި އެ ޖަމިއްޔާ އުވާލުމަށާއި، އެ ޖަމިއްޔާގެ މެންބަރުންނަށް ފިޔަވަޅު އަޅަން ގޮވާލާ މިހާތަނަށް 115 ކައުންސިލުން ވަނީ ބަޔާން ނެރެފައެވެ. މީގެ އިތުރުން ދީނީ އިލްމުވެރިންނާއި، އިދިކޮޅުން ވެސް ވަނީ އެ މައްސަލައިގައި ހިމެނޭ މީހުންނަށް ފިޔަވަޅު އެޅުމަށް ގޮވާލާފައެވެ.
