މަސްވެރި އުޅަނދަކަށް އެމްއެންޑީއެފުން އެހީތެރިކަން ފޯރުކޮށްދީފި
26 އޮކްޓޯބަރު 2019 | ހޮނިހިރު 04:41ލޯންޗްގައި ތިބީ 4 މީހުން
އެމްއެންޑީއެފް ކޯސްޓްގާޑް
މަސްވެރިކަމަށް ނުކުމެއުޅެނިކޮށް ތެޔޮ ހުސްވެގެން ކަނޑުމައްޗަށް ހުއްޓުނު ލޯންޗަކަށް އެމްއެންޑީއެފުން އެހީތެރިކަން ފޯރުކޮށްދީފިއެވެ.
އެމްއެންޑީއެފުން އެހީތެރިވީ، 4 މީހުންނާއެކު ގދ. ތިނަދުއިން ފުރައިގެން މަސްވެރިކަމަށް ނިކުތް "ބްލޫ ވޭލް" ނަމަކަށް ކިޔާ 36 ފޫޓުގެ ލޯންޗެކެވެ. ގދ ކާޑެއްދޫ ގެ ހުޅަނގުން 12 ނޯޓިކަލް މޭލު ބޭރުން، ތެޔޮ ހުސްވެ އިންޖީން ހުއްޓިގެން އެމްއެންޑީއެފް ސަދަން އޭރިއާ ކޯސްޓް ގާޑް ސްކޮޑްރަން އިން އެހީތެރިކަން ފޯރުކޮށްދީފައިވާ ކަމަށާއި ލޯންޗްގައި ހުއްޓުނު އިރު ތިބީ 3 ދިވެހިންނާއި ބިދޭސީންގެ އެކަކު ކަމަށް އެމްއެންޑީއެފުން ބުނެއެވެ.
ރޭ މެންދަމު 1:08 ގައި ޙާދިސާގެ ރިޕޯޓު ލިބުމާއިއެކު، ލޯންޗްގެ ވެރި ފަރާތުން ތެޔޮ ހަމަޖައްސައި އެމްއެންޑީއެފުން ވަނީ ހުއްޓުނު ލޯންޗަށް ތެޔޮ ފޯރުކޮށްދީފައެވެ. "ބްލޫ ވޭލް" ލޯންޗް ކަނޑުމަތީގައި ހުއްޓިފައި 4 ވަރަކަށް ގަޑި އިރު އޮތް އިރު އެމްއެންޑީއެފުން ބުނެފައިވަނީ މިހާރު އެ ފަރާތްތަކުން ތިނަދުއަށް ގޮސްފައިވާކަމަށެވެ.
