ސީޝެލްސްއާއި ރާއްޖެއާއި ދެޤައުމުގެ ކަލްޗަރ މިނިސްޓަރުން ބައްދަލުކުރައްވައިފި
މި ބައްދަލު ކުރެއްވުން ބާއްވާފައިވަނީ ހުކުރު ދުވަހު
ބައްދަލުކުރުމުގެ ތެރެއިން
މިނިސްޓަރ އޮފް އާރޓްސް ކަލްޗަރ އެންޑް ހެރިޓޭޖް ޔުމްނާ މައުމޫން، ސީޝެލްސްގެ ޑެސިގްނޭޓެޑް މިނިސްޓަރ އަދި މިނިސްޓަރ ފޮރ ޔޫތު ސްޕޯޓްސް އެންޑް ކަލްޗަރ މެކްސުޒީ މޮންޑޮން އާއި ބައްދަލުކުރައްވައިފިއެވެ.
ހުކުރު ދުވަހު ބޭއްވި މިބައްދަލުވުމުގައި މިނިސްޓަރ ޔުމްނާގެ އިތުރުން އެ މިނިސްޓްރީގެ އިސްވެރިން ބައިވެރިވަޑައިގެންނެވިއެވެ.
މި ބައްދަލު ކުރުމުގައި ވަނީ ފަންނާއި ޘަގާފަތާއި ތަރިކައިގެ ދާއިރާއިން ދެޤައުމުގެ ގުޅިގެން މަސައްކަތް ކުރުމާއި ގުޅޭގޮތުން މަޝްވަރާ ކުރައްވާފައެވެ.
ހުކުރު ދުވަހުން ފެށިގެން ބުރާސްފަތި ދުވަހަށް ސީޝެސްލްސްގައި ކުރިއަށް ގެންދިއުމަށް ހަމަޖެހިފައިވާ 34 ވަނަ ކްރިއޯލް ފެސްޓިވަލް ފެށުމުގެ ރަސްމިއްޔާތުގައި މިނިސްޓަރ އާއި މިނިސްޓްރީގެ އިސްވެރިން ވަނީ ބައިވެރިވެވަޑައިގެންފައެވެ.
ރާއްޖޭގެ ޘަޤާފީ ކުޅިވަރު ގްރޫޕް ބިދަބިން ވަނީ މި ފެސްޓިވަލްގައި ބޮޑުބެރުގެ ހުށަހެޅުންތަކެއް ހުށަހަޅައިދީފައެވެ. ފެސްޓިވަލްގެ ބައިވެރިންގެ ފަރާތުން، ދިވެހިންގެ ހުށަހެޅުމަށް ހޫނު ތަރުހީބެއް ލިބުނުކަމަށް މިނިސްޓްރީން ބުނެއެވެ.
