އދ ރައްޔިތުންގެ ސަލާމާތާ ކުރިއެރުމަށް މަސައްކަތް ކުރާ ޖަމިއްޔާއެއް: މިނިސްޓަރު ޝާހިދު
24 އޮކްޓޯބަރު 2019 | ބުރާސްފަތި 17:33އދ އަށް އިތުބާރު ކުރަން
ފޮރިން މިނިސްޓަރު އަބްދުﷲ ޝާހިދު
އދ އަކީ އެންމެހާ ރައްޔިތުންގެ ސަލާމާތާ ކުރިއެރުމަށް މަސައްކަތް ކުރާ ޖަމިއްޔާއެއް ކަމަށާއި، ރާއްޖެއިން އަބަދުވެސް އެ އިތުބާރު ކުރާ ކަމަށް ފޮރިން މިނިސްޓަރު އަބްދުﷲ ޝާހިދު ވިދާޅުވެއްޖެއެވެ.
އދ އުފެދުނުތާ މިއަދަށް 74 އަހަރު ފުރުމާ ގުޅިގެން ތަހުނިޔާ ފޮނުއްވާ ކުރެއްވި ޓްވީޓެއްގައި މިނިސްޓަރު ޝާހިދު ވިދާޅުވީ އދ އަކީ އެންމެހާ ރައްޔިތުންގެ ސަލާމާތާ ކުރިއެރުމާއި ކަނޑައަޅާފައިވާ އުސޫލުތަކާއި ގަވާއިދުތައް އިތުރަށް ނަގަހައްޓާ ދަމަހައްޓަން މަސައްކަތް ކުރާ ޖަމިއްޔާއެއް ކަމަށެވެ. އަދި ރާއްޖެއިން އަބަދުވެސް އދ. ދެކެނީ ދުނިޔޭގެ ސުލްހައަށް މަސައްކަތްކުރާ ތަނެއްގައި ގޮތުގައި ކަމަށެވެ.
މިނިސްޓަރު ޝާހިދު ވިދާޅުވީ ރާއްޖެއިން އަބަދު ވެސް އިތުބާރު އދ އަށް ކުރާނެ ކަމަށެވެ.
ރާއްޖެއިން އދގެ މެމްބަރަކަށްވީ 1965 ވަނަ އަހަރުގެ ސެޕްޓެމްބަރު މަހުގެ 21 ވަނަ ދުވަހު އެވެ.
ދެވަނަ ބޮޑު ހަގުރާމައަށް ފަހު ދުނިޔޭގައި ސުލްހައާއި ހަމަޖެހުން ގާއިމުކުރުމަށް އދ އުފެއްދީ 1945 ވަނަ އަހަރުގެ އޮކްޓޯބަރު މަހުގެ 24 ވަނަ ދުވަހު އެވެ.
