ކ. މާލެ
|
24 އޮކްޓޯބަރ 2019 | ބުރާސްފަތި 09:30
އޭސީސީގެ ރައީސް މަރިޔަމް ޝިއުނާ މަޖިލިސް ކޮމިޓީގައި
އޭސީސީގެ ރައީސް މަރިޔަމް ޝިއުނާ މަޖިލިސް ކޮމިޓީގައި
ރާއްޖެއެމްވީ
އެންޓި ކޮރަޕްޝަން ކޮމިޝަން
ތިންވަނަ ކުއާޓާގައި އޭސީސީގައި އެންމެ ގިނައިން ރަޖިސްޓްރީ ކުރެވުނީ ޕްރޮކިޔުމަންޓާގުޅޭ މައްސަލަތައް
 
ވަޒީފާއާގުޅޭ 63 މައްސަލައެއް ހުށަހެޅިފައިވޭ
 
ޕްރޮކިއުމަންޓާ ގުޅޭ 157 މައްސަލައެއް ހުށަހެޅިފައިވޭ

އެންޓި ކޮރަޕްޝަން ކޮމިޝަން (އޭސީސީ) ގެ 2019 ވަނަ އަހަރުގެ ތިންވަނަ ކުއާޓަރގެ ތަފާސްހިސާބުތަކުން ދައްކާގޮތުގައި، މިދިޔަ އަހަރެކޭ އެއްފަދައިން މި އަހަރުވެސް އެންމެ ގިނައިން މި ކޮމިޝަނުގައި ރަޖިސްޓްރީ ކޮށްފައިވަނީ ޕްރޮކިއުމަންޓާ ގުޅޭ މައްސަލަތައްކަމަށް އެ ކޮމިޝަނުން ބުނެފިއެވެ.

މިއަހަރުގެ ތިންވަނަ ކުއާޓަރގެ ތެރޭގައި ޕްރޮކިއުމަންޓާ ގުޅޭ 157 މައްސަލައެއް މި ކޮމިޝަންގައި ރަޖިސްޓްރީ ކޮށްފައިވާއިރު، 2018 ވަނަ އަހަރުގެ މި މުއްދަތުގެ ތެރޭގައި ރަޖިސްޓްރީކޮށްފައިވަނީ ޕްރޮކިއުމަންޓާގުޅޭ 40 މައްސަލަ ކަމަށް އޭސީސީން ބުނެއެވެ.

މިކުއާޓަރގައި، ދެވަނައަށް އެންމެ ގިނައިން ކޮމިޝަންގައި ރަޖިސްޓްރީކޮށްފައިވަނީ ވަޒީފާއާގުޅޭ މައްސަލައެވެ. އެގޮތުން، ވަޒީފާއާގުޅޭ 63 މައްސަލައެއް މިއަހަރުގެ މިކުއާޓަރގެ ތެރޭގައި ކޮމިޝަންގައި ރަޖިސްޓްރީ ކޮށްފައިވާއިރު، 2018 ވަނަ އަހަރު މި މުއްދަތުގެ ތެރޭގައި ރަޖިސްޓްރީކޮށްފައިވަނީ ވަޒީފާއާއި ގުޅޭ 12 މައްސަލައެވެ.

މީގެ އިތުރުން، މިއަހަރުގެ ތިންވަނަ ކުއާޓަރގެ ތެރޭގައި، ކުއްޔަށް ދޫކުރެވޭ ތަންތަނާއި، ބިމާއި، ގޯތިގެދޮރާއި، ފައިސާއާއި ތަކެތި ބޭނުންކުރުމާއި، ލައިސަންސް އަދި ހުއްދަ ދިނުމާ ގުޅޭ ޖުމްލަ 78 މައްސަލައެއް ކޮމިޝަންގައި ރަޖިސްޓްރީ ކޮށްފައިވެއެވެ. އަދި އެހެނިހެން ތަފާތު ބާވަތްތަކުގެ 58 މައްސަލައެއް ވެސް މިކުއާޓަރގެ ތެރޭގައި ކޮމިޝަނުގައި ރަޖިސްޓްރީ ކޮށްފައިވާކަމަށް އޭސީސީން ބުނެއެވެ.

އެންމެ ފަހުން އަޕްޑޭޓް ކުރީ: 2 ހަފްތާ ކުރިން
ރިވިއު ކުރީ: ޒިހްނަތު ހަސަން
0%
0%
0%
0%
0%
0%
ކޮމެންޓް