ކ. މާލެ
|
24 އޮކްޓޯބަރ 2019 | ބުރާސްފަތި 07:07
މިނިސްޓަރު މަލީހު
މިނިސްޓަރު މަލީހު
ރާއްޖެއެމްވީ
މިނިސްޓަރު މަލީހު
ޕީޖީއަކީ ގާނޫނު އަސާސީގެ ދުޝްމަނެއް، މަގާމުން ދުރުކުރަންޖެހޭ: މިނިސްޓަރު މަލީހު
 
އެމްއެމްޕީއާރްސީގެ ހިޔާނާތުގެ ތަހުގީގު އޮޅުވާލުމަށް މަސައްކަތް ކުރޭ
 
ނާއިންސާފުން ވަރަށް ގިނަ ކަންކަން ކުރެއްވި

ދައުލަތުގެ ޕްރޮސެކިއުޓަރ ޖެނަރަލްއަކީ ގާނޫނު އަސާސީގެ ދުޝްމަނެއް ކަމަށާއި، އާއިޝަތު ބިޝާމް ވިހާވެސް އަވަހަށް މަގާމުން ދުރުކުރަންޖެހޭ ކަމަށް ކޮމިއުނިކޭޝަން، ސައިންސް އެންޑް ޓެކްނޮލޮޖީ މިނިސްޓަރު މުޙައްމަދު މަލީހު ޖަމާލު ވިދާޅުވެއްޖެ އެވެ.

ފަލަސުރުހީ ޕްރޮގްރާމްގައި މިނިސްޓަރު މަލީހު ވިދާޅުވީ ބިޝާމް ޕީޖީގެ މަގާމުގައި ހުންނަވައި ވަރަށް ގިނަކަންކަން ބޭއިންސާފުކޮށްފައިވާ ކަމަށާއި، މިހާތަނަށް މަސައްކަތް ކުރަމުންދަނީ ވަރަށް ޒިންމާދާރުކަން ކުޑަކޮށް ކަމަށެވެ.

މިނިސްޓަރު މަލީހު ވިދާޅުވީ ބިޝާމް މަގާމުންދުރުކުރަންޖެހޭ ކަމަށާއި، އިންސާފު ގާއިމް ކުރުމަށް އެއީ މުހިންމު ކަމެއް ކަމަށެވެ. އަދި ރައްޔިތުން ނުކުމެ ވެރިކަން ބަދަލުކުރީ މަގާމުތަކުގެ ނޫފުޒު ބޭނުންކޮށްގެން ގައުމުގައި ނާއިންސާފުން ކަންކަން ކުރާ ބޭބޭފުޅުން ދުރުކުރުމަށް ކަމަށް މިނިސްޓަރު ވިދާޅުވިއެވެ.

ރައްޔިތުން މަޖިލީހުގެ ކޮމެޓީއަކުން ނިންމަވާފަ އެބަވޭ އެކަމަނާ ބޭރުކުރުމަށް ނިންމާފައި އޮތް ނިންމުމެއް. އަދި އޭގެ ކުރީގަ ވެސް ސަރުކާރުން ހުށަހަޅާފައިވޭ. އެހެންވީމަ އަޅުގަނޑު ގަބޫލުކުރާ ގޮތުގައި ދިވެހި ރައްޔިތުން ވެރިކަމުގެ ބޮޑު ބަދަލެއް މިގެނެއީ ޕީޖީ ފަދަ ބޭބޭފުޅުން ކުރައްވާފައި ހުރި ގޯސްތައް ރަނގަޅު ކުރުމަށްޓަކައި. މިއަދު ވެސް ގޮވާލަން ވީހާ ވެސް އަވަހަކަށް ޕީޖީ މަގާމުން ދުރުކުރުމުގެ މަސައްކަތް ކުރުމަށް. އެއީ ގާނޫނު އަސާސީއާ ރައްޔިތުންނަށް ލިބޭ އިންސާފާ ހަމަ ހޯދުމަށްޓަކައި.
ކޮމިއުނިކޭޝަން، ސައިންސް އެންޑް ޓެކްނޮލޮޖީ މިނިސްޓަރ މަލީހު

އެމްއެމްޕީއާރްސީ ހިޔާނާތަށް އަލިއަޅުއްވާލައްވާ މިނިސްޓަރު މަލީހު ވިދާޅުވީ ހިޔާނާތާއި ގުޅުމެއް ނެތް ބޭބޭފުޅުންގެ ނަންތައް މިހާރު ގެންނެވުމުން ކަންބޮޑުވާ ކަމަށާއި، މިހާރު މަސައްކަތް ކުރަނީ މިހިޔާނާތުގެ ތަހުގީގު އޮޅުވާލުމަށް ކަމަށެވެ.

މީގެ އިތުރުން މިނިސްޓަރު މަލީހު ވިދާޅުވީ ގާނޫނު އަސާސީގެ 223 ވަނަ މާއްދާގެ ދަށުން ޕީޖީއަށް ވަރަށް ބޮޑެތި މަސްއޫލިއްޔަތުތަކެއް ޒިންމާތަކެއް ހަވާލުކޮށްފައިވާ ކަމަށެވެ.

އެގޮތުން ރާއްޖޭގެ ގާނޫނު ހިނގާ ހިސާބެއްގެ އެއްވެސް ކަމެއް ގޯސްކޮށް ހިނގާ ކަމަށް ވާނަމަ ޕީޖީގެ ހައިސިއްޔަތުން އެމައްސަލަ ބެލުމުގެ ބާރު ޒިންމާ ގާނޫނު އަސާސީން މަތިކޮށްފައިވާ ކަމަށާއި، ފުލުހުން ކުރާ ކަމަކަށް ވެސް އެކަމަނާއަށް ބަސް ވިދާޅުވެވޭނެ ކަމަށެވެ. ނަމަވެސް އެމްއެމްޕީއާރްސީގެ ހިޔާނަތް ކުރިއަށް ދިޔައިރު ބިޝާމް އޭރުވެސް ހުންނެވީ މާގަމުގައި ކަމަށާއި، މަސްއޫލިއްޔަތު އަދާކޮށްފައިނުވާ ކަމަށެވެ. އަދި މަގާމުގައި ހުންނަވައި ކުރީގެ ރައީސް އަބްދުﷲ ޔާމީންގެ ވެރިކަމުގައި ސިޔާސީ ގިނަ ފަރާތްތަކަށް ނުހައްގުން ދައުވާ ކުރުމަށް ފޮނުވާފައިވާ ކަމަށެވެ. މިކަންކަމަށް ރައްޔިތުން ހެކިވާނެ ކަމަށާއި، މިއީ ރާއްޖޭގެ ތާރީހުން ފުހެވޭނެ ކަންކަން ނޫން ކަމަށް މިނިސްޓަރު ވިދާޅުވިއެވެ.

އެމްއެމްޕީއާރުސީގެ ޚިޔާނާތާ ގުޅުންހުރި ފައިސާ ލިބުނު ފަރާތްތަކުގެ ތެރޭގައި ސަރުކާރުގެ ބައެއް މިނިސްޓަރުންނާއި ރައްޔިތުންގެ މަޖިލީހުގެ ބައެއް މެމްބަރުން ހިމެނޭ ކަމަށް ޕީޖީ ބިޝާމު ވިދާޅުވި ވާހަކަތަކަށް ރައްދުދެއްވައި މިނިސްޓަރު މަލީހު ވިދާޅުވީ އެމައްސަލަ ކޯޓަށް ނުފޮނުވާ އޮތް ސަބަބާމެދު ސުވާލު އުފެދޭ ކަމަށެވެ.

އަޅުގަނޑު ރައްޔިތުންނަށް ދޭން ބޭނުންވާ ޔަގީންކަމަކީ 100 އިންސައްތަ ޔަގީނޭ ޕީޖީ އޮފީހުގެ 4 ފާރުގެ އެތެރޭގައި ޕީޖީ އޮފީހުގެ އެއްވެސް ޑޭޓާ ބޭސްއެއްގައި ހިމެނޭ އެއްވެސް ލިޔުމެއްގައި އަޅުގަނޑުގެ އެއްވެސް ނަމެއް ނޯންނާނެ. އެކަމުގެ ޔަގީންކަން އެބައޮތް. ދައުލަތުގެ ޕްރޮސެކިއުޓަރ ޖެނަރަލްއަށް ގޮވާލަން އެފަދަ އެއްވެސް ކަމެއްވާނަމަ އެކަމެއް ހާމަށްކޮށްދޭން. އެކަމަނާ ދައުލަތުގެ އެއްވެސް ސިއްރުކޮމެޓީއެއްގައި ނޫން ވިދާޅުވާނީ. އަޅުގަނޑު ގަބޫލެއް ނުކުރަން ރައްޔިތުންގެ މަޖިލީހުން ސިއްރު ކުރަންޖެހޭ ކަމަކަށް. އެމްއެމްޕީއާރްސީގެ މައްސަލައަކީ އެއަށްވުރެ މާބޮޑު މައްސަލައެއް. ގައުމީ މައްސަލައެއް. އެމައްސަލާގެ އެއްވެސް ކަމެއް ސިއްރުކުރާކަށް ނުޖެހޭ. ރިޕޯޓެއްގެ އެއްވެސް ކަމެއްގެ އެއްވެސް ތަހުގީގު އިދާރާއަކުން ތަހުމަތެއް ވެސް ނުކުރެވޭ ނަންތަކެއް މިއަންނަނީ އަޅުގަނޑު ގަބޫލުކުރާ ގޮތުގައި އެމައްސަލާގެ މުޅި މިސްރާބު އޮޅުވާލުމަށް. އެފަދަ ޒިންމާދާރު ކުޑަ ކަމެއް ނުކުރާށޭ.
ކޮމިއުނިކޭޝަން، ސައިންސް އެންޑް ޓެކްނޮލޮޖީ މިނިސްޓަރ މަލީހު

މިނިސްޓަރު މަލީހު ވިދާޅުވީ ދައުލަތުގެ އެފަދަ މުހިންމު ބޭފުޅަކު އަގައިން ވިދާޅުވާން ޖެހޭ ބަސްފުޅުތަކަކީ ވަރަށް ބޮޑަށް ވިސްނެވުމަށްފަހު ވަރަށް ބޮޑެތި ގާނޫނީ އޭގެ ހުއްޖަތްތަކާއެކު އެވިޑެންސް ބޭސްކޮށް ދައްކަވަންޖެހޭ ވާހަކަތައް ކަމަށެވެ. އެމްއެމްޕީއާރްސީގެ ހިޔާނާތުގެ މައްސަލާގެ ބައިވެރިވެފައިވާ ފަރާތްތަކުގެ ލިސްޓުގައި މިނިސްޓަރު މަލީހު ހިމެނިވަޑައިގެންނެވިއިރު، ބޮޑެތި ކަންކަން ހިނގައިގެން ދިޔައިރުގައި ހުންނެވީ ސަރުކާރާ ދެކޮޅަށް ހައްގުބަސް ބުނުމުގައި ކަމަށް ވެސް މިނިސްޓަރު ވިދާޅުވިއެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: އަމަން ހަލީމް
0%
0%
0%
0%
67%
33%
ކޮމެންޓް