13 ރަށެއްގެ ފުޓުބޯޅަ ދަނޑުގައި ޓާރފް އަޅަން 55.8 މިލިޔަން ރުފިޔާ!
23 އޮކްޓޯބަރު 2019 | ބުދަ 13:14މި މަސައްކަތަށް ސަރުކާރުން 55.8 މިލިއަން ރުފިޔާ ހަރަދު ކުރާނެ
ޔޫތު މިނިސްޓްރީގައި ބޭއްވި ނޫސްވެރިންގެ ބައްދަލުވުމުގެ ތެރެއިން
ރާއްޖޭގައި ޒަމާނީ ފެންވަރުގެ ފުޓްބޯޅަ ދަނޑުތައް ތަރައްޤީކުރުމަށް ސަރުކާރުން ކުރިޔަށްގެންދާ މަޝްރޫޢުގެ ދަށުން 13 ރަށެއްގެ ދަނޑުތަކުގައި ޓާރފް އަޅަން ނިންމައިފިއެވެ.
"ދަ ފެޑޭރޭޝަން އިންޓަރނޭޝަނާލެ ޑެ ފުޓްބޯލް އެސޯސިއޭޝަން" (ފީފާ)ގެ މިންގަނޑުތަކައް ފެތޭ ގޮތައް ރާއްޖޭގައި ފުޓްބޯޅަ ދަނޑުތައް ތަރައްޤީކުރުމަށް ސަރުކާރުން ކުރިޔަށްގެންދާ މަޝްރޫޢުގެ ދަށުން 35 ދަނޑެއްގައި ޓާފް އެޅުމަށް ވަނީ ހަމަޖެހިފައެވެ.
ދައުލަތުގެ ބަޖެޓުން 55.8 މިލިޔަން ރުފިޔާ ޚަރަދުކޮށްގެން މިފަހަރު ޓާރފް އަޅަން ނިންމީ 13 ރަށެއްގައެވެ. މިރަށްތަކަކީ:
މި ދަނޑުތަކުގައި ޓާރފް އެޅުމުގެ މަސައްކަތް ޙަވާލު ކުރީ އަމީން ކޮންސްޓްރަކްޝަން ކުންފުންޏާއެވެ. މަސައްކަތުގެ އެއްބަސްވުމުގައި ސޮއި ކުރުމަށް ބުދަ ދުވަހު މިނިސްޓަރީ އޮފް ޔޫތް އެންޑް ސްޕޯޓްސްގައި ބޭއްވި ރަސްމިއްޔާތުގައި މިނިސްޓްރީގެ ފަރާތުން ސޮއި ކުރެއްވީ މިނިސްޓަރ އަޙްމަދު މަޙްލޫފެވެ. އަމީން ކޮންސްޓްރަކްޝަންގެ ފަރާތުން ސޮއިކުރެއްވީ އެކުންފުނީގެ މެނޭޖިންގް ޑިރެކްޓަރު އަބްދުﷲ މުހައްމަދު އެވެ.
އެއްބަސްވުމުގައި ސޮއި ކުރުމަށްފަހު ބޭއްވި ނޫސްވެރިންގެ ބައްދަލުވުމުގައި މިނިސްޓަރ އަޙްމަދު މަހްލޫފް ވިދާޅުވީ ރައީސުލްޖުމްހޫރިއްޔާ ވައުދުވެވަޑައިގެންފައިވާގޮތައް ފުޓުބޯޅަ ދަނޑުތަށް ތަރައްޤީ ކުރުމުގެ މަސައްކަތްކުރަމުން އަންނަ ކަމަށާއި، މިބުރުގައި 13 ރަށެއްގައި ޓާރފް އެޅިނަމަވެސް، އިތުރު 22 ރަށެއްގައި ޓާރފް އެޅުމުގެ މަސައްކަތް ޓެންޑަރ އުޞޫލުން ކުރަމުން އަންނަ ކަމަށެވެ.
މީގެ އިތުރުން މިނިސްޓަރ މަޙްލޫފް ވިދާޅުވީ އުންމީދަކީ މިއަހަރު ފެށިގެން މިދާ މަޝްރޫއުގެ ސަބަބުން އަންނަ އަހަރު ބޭއްވުމަށް ހަމަޖެހިފައިވާ"ޖަޒީރާ ފުޓުބޯޅަ ޗެމްޕިއަންޝިޕް"އަށް ވަރަށް ބޮޑެތި ފައިދާ ތަކެއް ވެގެންދާނެ ކަމަށެވެ.
