ރައީސްގެ ދެކަނބަލުން ޖަޕާނުގެ އައު އެމްޕެރަރއަށް ތަހުނިޔާ ވިދާޅުވެއްޖެ
22 އޮކްޓޯބަރު 2019 | އަންގާރަ 18:41ޖަޕާނުގެ އައު އެމްޕެރާ ތަޚުތައް އިސްކުރުމުގެ އިޙްތިފާލު ބާއްވަފައިވަނީ އަންގާރަދުވަހު
ރައީސްގެ ދެކަނބަލުން މިހާރު ޖަޕާނަށް ކުރައްވަމުން ގެންދަވާ ދަތުރުފުޅުގެ ތެރެއިން
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާއި އަނބިކަނބަލުން ފަޒްނާ އަޙްމަދު ޖަޕާނުގެ އައު އެމްޕެރާ ހިޒް އިންޕީރިއަލް މެޖެސްޓީ އެމްޕެރާ ނަރުހީޓޯއަށް ތަހުނިޔާ ވިދާޅުވެއްޖެއެވެ.
އަންގާރަ ދުވަހު ބޭއްވެވި ޖަޕާނުގެ އައު އެމްޕެރާ ތަޚުތައް އިސްކުރުމުގެ އިޙްތިފާލުގައި ރައީސުލްޖުމްހޫރިއްޔާގެ ދެކަނބަލުންގެ އިތުރުން ދުނިޔޭގެ 170 ޤައުމެއްގެ ޢިއްޒަތްތެރިންނާއި ބައެއް ޤައުމުތަކުގެ އިސްވެރިންނާއެކު ޖުމްލަ 2000 ޢިއްޒަތްތެރިން މިޙަފުލާގައި ބައިވެރިވެ ވަޑައިގެންނެވިއެވެ.
އައު އެމްޕަރާ ތަޚްތަށް އިސްކުރެއްވުމާ ގުޅިގެން ބޭއްވެވި ރަސްމީ ފަރިއްކޮޅުގައިވެސް ދުނިޔޭގެ އެކި ޤައުމުތަކުން ޢިއްޒަތްތެރިން ބައިވެރިވެ ވަޑައިގެންނެވިއެވެ.
އެގޮތުން ޖަޕާނުގެ ވެރިކަން ހިންގާބާރާއި ޤާނޫނު ހެދުމުގެ ބާރުގެ އިތުރުން އެޤައުމުގެ ޢަދުލު އިންސާފުގެ ބާރުގެ އިސްފަރާތްތަކާއި އެހެނިހެން ބައެއް ޢިއްޒަތްތެރިން ބައިވެރިވެ ވަޑައިގެންނެވި މި ޙަފްލާ ކުރިޔަށްދިޔައީ މުނިފޫހި ފިލުވުމުގެ ބައެއް ޙަރަކާތްތަކާވެސް އެކުގައެވެ.
