އަންގާރަ ދުވަހުގެ ހެނދުނު މަރުވެފައި އޮއްވާ އޭޑީކޭއަށް ގެނައި އުމުރުން ދުވަސްވީ މީހާގެ އާއިލއާ ގުޅިއްޖެ ކަމަށް އޭޑީކޭއިން ބުނެފިއެވެ.
އޭޑީކޭއިން ބުނީ އަންގާރަ ދުވަހުގެ ހެނދުނު އުމުރުން ދުވަސްވީ މީހެއް އެ ހޮސްޕިޓަލަށް ގެނެވުނު ކަމަށާއި، ގެނައި އިރު ވެސް އެމީހާ މަރުވެފައިވާ ކަމަށެވެ. އަދި އެމީހާގެ މައުލޫމާތު ހޯދުމަށް އޭޑީކޭއިންނާއި ފުލުހުން މަސައްކަތް ކުރިއެވެ.
އެމީހާގެ މައުލޫމާތު ހޯދުމަށް ކުރި މަސައްކަތުން އޭނާގެ އާއިލާއާއި ގުޅިފައިވާ ކަމަށާއި، އާންމުންގެ ފަރާތުން އަދި ފުލުހުންގެ ފަރާތުން ލިބުނު އެހީތެރިކަމަށް އޭޑީކޭއިން ވަނީ ޝުކުރުއަދާކޮށްފައެވެ.
ފުލުހުން ބުނީ އޭޑީކޭއަށް ގެންދިޔަ އިރު މަރުވެފައި އޮތް މީހާއަކީ ކާކުކަން ދެނެގަނެވިފައިވާ ކަމަށެވެ. އަދި އެމީހާއަކީ 67 އަހަރުގެ ދިވެހި ފިރިހެނެއް ކަމަށާއި، އެމީހާގެ އާއިލާގެ ގުޅި އެމީހާއާއި އާއިލާއިން ހަވާލުވެފައިވާ ކަމަށެވެ.
ފުލުހުން ބުނީ އަރޓިފިޝަލް ބީޗްގައި ހުރި ގޮނޑިއެއްގައި ދޮށީ އުމުރުގެ ފިރިހެނަކު ހާލުދެރަވެފައި އިންކަމުގެ މައުލޫމާތު ލިބުނީ ހެނދުނު 6:26 ހާއިރު ކަމަށެވެ. އަދި ވަގުތުން އެމީހާ އޭޑީކޭއަށް ގެންދެވުނު ކަމަށެވެ. އޭޑީކޭއިން ބުނީ އެމީހާ ގެނައިރުވެސް އެއްވެސް ހަރަކާތެއް ނެތް ކަމަށާއި، އެމީހާ ސަލާމަތްކުރުމަށް މަސައްކަތް ކުރި ކަމަށެވެ.
