ކ. މާލެ
|
20 އޮކްޓޯބަރ 2019 | އާދީއްތަ 18:49
ރާއްޖެ އަދި އިންޑިއާ ބައްދަލުކުރި މެޗުގެ ތެރެއިން
ރާއްޖެ އަދި އިންޑިއާ ބައްދަލުކުރި މެޗުގެ ތެރެއިން
ނެޓްބޯލް އެސޯސިއޭޝަން އޮފް މޯލްޑިވްސް
ނެޓްބޯލް
ސެމީގައި އިންޑިއާ އަތުން ބަލިވެ ރާއްޖެ ކަޓައިފި
 
މުބާރާތުގެ ސެމީގައި ރާއްޖެ ނިކުންނާނީ އަންގާރަ ދުވަހު ނޭޕާލްއާ ދެކޮޅަށް

ނޭޕާލްގައި މިހާތު ކުރިޔަށްދާ 16 އަހަރުން ދަށުގެ ސައުތު އޭޝިއަން ނެޓްބޯލް ޗެމްޕިއަންޝިޕްގެ ސެމީ ފައިނަލުގައި އިންޑިއާ އަތުން ބަލިވެ ރާއްޖެ ކަޓައިފިއެވެ.

އާދީއްތަ ދުވަހު އިންޑިއާއާ ދެކޮޅަށް ކުޅުނު މެޗުން ރާއްޖެ ބަލިވީ 46 ޕޮއިންޓް 25 ޕޮއިންޓުންނެވެ.

މެޗުގެ ފުރަތަމަ ކުއާޓާގައި އިންޑިއާއިން 10 ޕޮއިންޓް ހޯދިއިރު، ރާއްޖެއަށް ހޯދިފައިވަނީ ހަ ޕޮއިންޓެވެ. ދެވަނަ ކުއާޓާގައި އިންޑިއާއިން 18 ޕޮއިންޓް ހަމަކުރިއިރު، ރާއްޖެއިން ވަނީ 12 ޕޮއިންޓް ހަމަކޮށްފައެވެ.

ތިންވަނަ ކުއާޓާގައި އިންޑިއާއިން 27 ޕޮއިންޓް ހޯދިއިރު، ރާއްޖެއިން ވަނީ 22 ޕޮއިންޓް ހަމަކޮށްފައެވެ. ނަމަވެސް ފަހު ކުއާޓާގައި އިންޑިއާއިން ވަނީ 46 ޕޮއިންޓް ހަމަކޮށްފައެވެ. ރާއްޖެއަށް ހަމަވީ 25 ޕޮއިންޓެވެ.

މެޗުގެ މޮޅު ކުޅުންތެރިޔަކަށް ހޮވިފައިވަނީ ރާއްޖޭގެ މިޝްކާ އަފްރާހް ހަސަންއެވެ.

މުބާރާތުގެ ގްރޫޕް ސްޓޭޖުގައި އިންޑިއާ އާއި ސްރީލަންކާ އަތުން ރާއްޖެ ބަލިވެފައިވާއިރު، ނޭޕާލް އަދި ޕާކިސްތާންގެ މައްޗަށް ވަނީ ކުރިހޯދާފައެވެ.

މުބާރާތުގެ ތިންވަނަ ހޮވާ މެޗުގައި ރާއްޖެ ނިކުންނާނީ މުބާރާތް ބާއްވާ ގައުމު ނޭޕާލްއާ ދެކޮޅަށެވެ. މި މެޗު ކުޅުމަށް ހަމަޖެހިފައިވަނީ އަންގާރަ ދުވަހު ހެނދުނެވެ.

މިއީ ރާއްޖޭގެ ޖޫނިއާ ނެޓުބޯޅަ ޓީމަކުން ބައިނަލްއަގްވާމީ މުބާރާތެއްގައި ވާދަކުރާ ފުރަތަމަ ފަހަރު ކަމަށްވާއިރު، މި މުބާރާތުން ރާއްޖެއިން ކަނޑައަޅާފައިވާ ޓާގެޓަކީ މެޑަލްއެއް ހޯދުމެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ސިމާހާ ނަސީމް
0%
100%
0%
0%
0%
0%
ކޮމެންޓް
21 އޮކްޓޯބަރ 2019 | ހޯމަ 19:37
ސާހިލް
ބަލަ ތިންވަނަ ހޮވާ މެޗަށް ހޮވުނީމަ ނުއެއް ކަޓައެއްނު، ލީވާން ކަހަލަ އެކްސްޕީރިއަންސް ކުއްޖަކަ މިވަރު ނޭނގުނީމަ ވަރަށް ދެރަ