މޯލްޑިވިއަން ޑިމަކްރޮޓިކް ޕާޓީ (އެމްޑީޕީ)ގެ އެތެރޭގެ އިންތިހާބުގެ ބައެއް ދާއިރާތަކުގެ ބައި އިލެކްޝަންގެ ވޯޓު ލުން ކުރިޔަށްދާން ފަށައިފިއެވެ.
ވޯޓްލުން ކުރިޔަށް ދަނީ ހުކުރު ދުވަހުގެ ހަވީރުން ފެށިގެން އެމްޑީޕީގެ މައި ހަރުގޭގައެވެ.
ހުކުރު ދުވަހު ބާއްވަމުންދާ ޕާޓީގެ އެތެރޭގެ އިންތިހާބުގެ ބައި އިލެކްޝަންތަކުގައި ވޯޓް ލަނީ ކ. ގުރައިދޫ ދާއިރާގެ އިތުރުން ހެންވޭރު ހުޅަނގު ދާއިރާ އާއި މައްޗަންގޮޅި އުތުރު ދާއިރާ އަދި މައްޗަންގޮޅި ދެކުނު ދާއިރާ އަށެވެ.
ޑިފެންސް މިނިސްޓަރު އަދި ކުރީގެ ޗެއަރޕާސަން އަލްއުސްތާޛާ މާރިޔާ ދީދީ އާއި އިކޮނޮމިކް މިނިސްޓަރު ފައްޔާޒް އިސްމާއިލް މިހާރު ވަނީ އެމްޑީޕީގެ އެތެރޭގެ އިންތިހާބުގައި ވޯޓް ލައްވާފައެވެ.
ވޯޓް ލުން ކުރިޔަށްދާނެ ގަޑި ވަނީ ވިއްސާރަ ވުމުގެ ސަބަބުން ހުކުރު ދުވަހުގެ ރޭ 7:00 އަށް އިތުރުކޮށްފައެވެ.
