ކ. މާލެ
|
16 އޮކްޓޯބަރ 2019 | ބުދަ 20:06
ސްވިޑެން އަދި ސްޕެއިން ބައްދަލުކުރި މެޗުގެ ތެރެއިން
ސްވިޑެން އަދި ސްޕެއިން ބައްދަލުކުރި މެޗުގެ ތެރެއިން
ގެޓީ އިމޭޖަސް
ޔޫރޯ ކޮލިފިކޭޝަން
ފަހު ވަގުތު ރޮޑްރިގޯ ކާމިޔާބުކުރި ލަނޑާއެކު ސްޕެއިނުން ޔޫރޯއަށް
 
މި މެޗު ނިމިގެންދިޔައީ 0-0 ގެ ނަތީޖާ އަކުން

ޔޫރޯ ކޮލިފިކޭޝަނުގައި ސްޕެއިންނާއި ސްވިޑެން ބައްދަލުކުރި މެޗު އެއްވަރުވެގެން ނިމިއްޖެއެވެ.

ސްވިޑެންގެ ދަނޑުގައި ކުޅުނު މި މެޗު ނިމިގެންދިޔައީ 1-1 ގެ ނަތީޖާ އަކުންނެވެ.

އެޓޭކިންގް ގޭމެއް ދެޓީމުގެ ފަރާތުން ފެނިގެންދިޔަ މި މެޗުގެ ފުރަތަމަހަ ހާފުގައި ދެޓީމުގެ ފަރާތުން ވެސް ފެނިގެންދިޔައީ ހަމަހަމަ ކުޅުމެކެވެ. އެގޮތުން ދެޓީމުގެ ފަރާތުން ވެސް ނުރައްކާތެރި ހަމަލާތަކެއް ފެނިގެންދިޔައިރު ސްޕެއިންގެ ކީޕަރު ވަނީ ސްވިޑެންގެ ކުޅުންތެރިން ފޮނުވާލި ގިނަ ހަމަލާތަކެއް ހުށިޔާރުކަމާއެކު ދިފާއު ކޮށްފައެވެ.

މެޗުގެ ފުރަތަމަ ހާފު ނިމިގެންދިޔައީ 0-0ގެ ނަތީޖާ އަކުންނެވެ.

މެޗުގެ ދެވަނަ ހާފު ފަށައިގެން ސްވިޑެންއިން އެޓީމުގެ ކުޅުން އިތުރަށް ވަރުގަދަކުރި އިރު މެޗުގެ 50 ވަނަ މިނެޓުގައި ސްވިޑެން އިން ވަނީ ލަނޑު ޖަހާ ލީޑު ނަގައިފައެވެ. މި ލަނޑު އެޓީމަށް ކާމިޔާބު ކޮށްދިނީ މާކޮސް ބާރގް އެވެ.

މި ލަނޑަށްފަހު ސްޕެއިނުން ސްވިޑެންގެ ހާފަށް ބާރުބޮޑުކޮށް ގިނަ ހަމަލާ ތަކެއް ސްވިޑެންގެ ގޯލަށް ފޮނުވައިލައިފައިވެއެވެ. ސްޕެއިންގެ ގިނަ ހަމަލާތަށް ސްވިޑެންގެ ޑިފެންޑަރުން ހުށިޔާރު ކަމާއެކު ދިފާއުކޮށްފައިވެއެވެ.

މެޗުގެ އެންމެ ފަހު މިނެޓު ސްޕެއިންގެ ރޮޑްރިގޯ ވަނީ ލަނޑު ޖަހާ އެޓީމު ޔޫރޯ އަށް ކޮލިފައި ކޮށްދީފައެވެ.

މި ނަތީޖާއާއިއެކު ސްޕެއިނުން ގްރޫޕް "އެފް"ގެ އެއްވަނައިގައި 20 ޕޮއިންޓާއެކު އޮތް އިރު ސްވިޑެނުން ގްރޫޕްގެ ދެވަނައިގައި އޮތީ 15 ޕޮއިންޓާއެކުގައެވެ. އަދި ގްރޫޕްގެ ތިންވަނައިގައި ރޮމޭނިއާ އިން އޮތީ 14 ޕޮއިންޓާއެކުގައެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: ސިމާހާ ނަސީމް
0%
100%
0%
0%
0%
0%
ކޮމެންޓް