13 ވަނަ ދުވަހު އިންޓަނެޓްގެ ޚިދުމަތައް ބުރޫ އަރާނެ : އުރީދޫ
12 އޮކްޓޯބަރު 2019 | ހޮނިހިރު 08:26އާދީއްތަ ވިލޭރޭ ދަންވަރު 3:00 ފެށިގެން ރޭގަނޑު 11:00 ގެ ނިޔަލަށް ހިދުމަތަށް ބުރޫއަރާނެ
އުރީދޫ އިން ބޭއްވި ނޫސްވެރިންގެ ބައްދަލުވުމެއްގެ ތެރެއިން
އުރީދޫގެ ޚިދުމަތަށް މި މަހުގެ 13 ވަނަ ދުވަހު ބުރޫ އަރާނެ ކަމަށް އެ ކުންފުނިން ބުނެފިއެވެ.
އެ ކުންފުނިން ބުނީ އުރީދޫގެ އިންޓަނޭޝަނަލް ސަޕްލަޔަރަކު ހިންގާ ކޭބަލް މަރާމާތު ކުރުމުގެ މުހިއްމު މަސައްކަތަކާ ގުޅިގެން، މިމަހުގެ 13 ވަނަދުވަސް ވާ އާދީއްތަ ވިލޭރޭ ދަންވަރު 3:00 ފެށިގެން ރޭގަނޑު 11:00 ގެ ނިޔަލަށް، އުރީދޫގެ އިންޓަނެޓުގެ ޚިދުމަތްތައް ބޭނުން ކުރުމުގައި ދަތިތަކެއް ދިމާވުން އެކަށީގެންވާ ކަމަށެވެ.
މި މަސައްކަތް ކުރިއަށްދާ ވަގުތު، އުރީދޫ ކަސްޓަމަރުންނަށް ދިމާވެދާނެ ދަތިތައް ވީހާވެސް ކުޑަކޮށް، ވީހާވެސް އަވަހަށް މަސައްކަތް ފުރިހަމަ ކުރުމަށްޓަކައި އުރީދޫގެ ޓީމްތައް މަސައްކަތް ކުރަމުންދާ ކަމަށް ވެސް އެ ކުންފުނިން ބުނެއެވެ. މިކަމުގެ ސަބަބުން ކަސްޓަމަރުންނަށް ދިމާވެދާނެ ދަތިތަކަށްޓަކައި މަޢާފަށް އެދޭ ކަމަށް އުރީދޫ އިން ވަނީ ބުނެފައެވެ.
އުރީދޫގެ ޢަމާޒަކީ ކަސްޓަމަރުންނަށް ފެންވަރު ރަނގަޅު ޚިދުމަތެއް ފޯރުކޮށްދިނުމެވެ.
