ޕިރަމިޑުން ޓީޗަރުންގެ ދުވަހާއި ގުޅުވައިގެން ހާއްސަ ޕްރޮމޯޝަނެއް
15 އިންސައްތައާ ހަމައަށް ގަންނަ ޕެކަކުން ޑިސްކައުންޓް ލިބޭނެ
ޓުޑޭސް ޓޭސްޓް ސައިފަތުގެ ބައެއް ފްލެވަރތައް
ޕިރަމިޑުން ޓީޗަރުންގެ ދުވަހާއި ގުޅުވައިގެން ހާއްސަ ޕްރޮމޯޝަނެއް ފަށައިފިއެވެ.
މި ޕްރޮމޯޝަންގެ ދަށުން ޓުޑޭސް ޓޭސްޓް ސައިފަތް ޕެކެއް ގަތުމުން 15 އިންސައްތައާ ހަމައަށް ޑިސްކައުންޓް ލިބިގެންދާނެއެވެ. މި ޕްރޮމޯޝަން ކުރިއަށްދާނީ މި މަހުގެ 15 ވަނަ ދުވަހުގެ ނިޔަލަށެވެ.
ރާއްޖެއެމްވީއަށް މައުލޫމާތު ދެއްވަމުން ޕިރަމިޑްގެ މާރކެޓިންގް މެނޭޖަރު މުހައްމަދު ސޮބާހު ޓީޗަރުންނަކީ ވަރަށް ބުރަކޮށް އުޅުއްވާ ބައެއް ކަމަށާއި އެ ޓީޗަރުން ރިލެކްސްކޮށްލަން ލިބޭ ވަގުތުތަކުގައި މިއީ ބޭނުންކުރަން އެންމެ ރަނގަޅު ސައިފަތް ކަމަށެވެ. އަދި މިއީ ސިއްހަތަށް ފައިދާ ހުރި ސައިފަތެއްކަމަށް ވެސް ސޮބާހު ވިދާޅުވިއެވެ.
ޓުޑޭސް ޓޭސްޓް އެކި ފްލެވަރތަކުގެ ސައިފަތް ހުންނައިރު އެ ފްލެވަރތަކަކީ މަސާލާ ޗައި، ބްލެކް ޓީ ލެމަން، ގްރީން ޓީ ޖޭސްމިން، ބްލެކް ޓީ ސިނަމަން، ބްލެކް ޓީ ޖިންޖާގެ އިތުރުން އަދި ޕިއޯ ގްރީން ޓީއެވެ.
ޕިރަމިޑުން ވިއްކާ ޓުޑޭސް ޓޭސްޓްއަކީ ދުނިޔޭގެ އެންމެ ގިނައިން ސައިފަތް ބޭރު ކުރާ ސްރީލަންކާގެ ޓީބޯޑް އިން ދޭ ލަޔަން ލޯގޯ ދީފައިވާ ބްރޭންޑެވެ. އަދި އެ ލޯގޯ ދެނީ އެ ގައުމުގެ ޓީ ބޯޑުން ބަލައި 100 ޕަސެންޓް ޕިއޯ ސައިފަތަށް އެކަންޏެވެ.
