ތިންވަނަ ދައުރު ފެށޭ ޖަލްސާ ބުރާސްފަތިދުވަހު
19 ވަނަ މަޖިލީހުގެ ފުރަތަމަ ދައުރު ފެށުނީ މި އަހަރުގެ މާރޗް މަހުގެ 28 ވަނަ ދުވަހު
ދައުރުން ބޭރުން ވަނީ ތިން ޖަލްސާ ބާއްވާފައި
ރައްޔިތުންގެ މަޖިލީހުގެ ތިންވަނަ ދައުރުގެ ފުރަތަމަ ޖަލްސާ ބުރާސްފަތި ދުވަހު އޮންނާނެއެވެ.
ރައްޔިތުންގެ މަޖިލީހުގެ މީޑިއާ އެންޑް ކޮމިއުނިކޭޝަންސް ޑިރެކްޓަރަކަށް ހަސަން ޒިޔާއު ވިދާޅުވީ، ބުރާސްފަތިދުވަހު ތިންވަނަ ދައުރުގެ ފުރަތަމަ ޖަލްސާ އޮންނާނެ ކަމަށާއި، އެކަން މިހާރު މެމްބަރުންނަށް އަންގާފައިވާ ކަމަށެވެ. ޒިޔާއު ވިދާޅުވީ އެ ދުވަހުގެ ޖަލްސާގެ އެޖެންޑާ އަދި ފައިނަލްކޮށްފައިނުވާ ކަމަށެވެ.
ފަހެއް ސެޕްޓެމްބަރުގައި މަޖިލިސް ޗުއްޓީއަށް ގޮސްފައިވާއިރު، ދެވަނަ ދައުރުގައި ވަނީ ގިނަ މަސައްކަތްތަކެއް ކޮށްފައެވެ. އެގޮތުން ޗުއްޓީއަށް ދިޔުމުގެ ކުރިން ނިންމަން ހުރި މަސައްކަތްތަށް ނިންމުމަށް، ދެ ދަންފަޅިއަށް މަޖިލިސްގެ ޖަލްސާތައް ބާއްވާފައިވެއެވެ.
މަޖިލިސް ޗުއްޓީގައި އޮތްއިރު ދައުރުން ބޭރުން ވަނީ ތިން ޖަލްސާ ބާއްވާފައެވެ. ދައުރުން ބޭރުގެ ތިންވަނަ ޖަލްސާ 29 ސެޕްޓެމްބަރުގައި ބާއްވާފައިރު، އެ ޖަލްސާގައި ވަނީ ޓެރަރިޒަމް މަނާކުރުމުގެ ޤާނޫނަށް ސަރުކާރުން ހުށަހެޅި އިސްލާހު ފާސްކޮށްފައެވެ.
19 ވަނަ މަޖިލީހުގެ ފުރަތަމަ ދައުރު ފެށުނީ މި އަހަރުގެ މާރޗް މަހުގެ 28 ވަނަ ދުވަހުއެވެ.
