ހަތަރު ވޯޓުގެ ތަފާތުން ބާ ކައުންސިލަށް ނޫރްބާން އިންތިހާބުވެއްޖެ
ނޫރްބާން އަށް ލިވިވަޑައިގެންނެވީ 101 ވޯޓު
ގާނޫނީ ވަކީލާ ނޫރްބާން ފަހުމީ
ބާ ކައުންސިލްގެ އެކްޒެކްޓިވް ކޮމިޓީގެ ހުސްވެފައިވާ މަގާމަށް ގާނޫނީ ވަކީލާ ނޫރުބާން ފަހުމީ އިންތިހާބުވެއްޖެއެވެ.
ނޫރުބާން ބާ ކައުންސިލްގެ މެމްބަރު ކަމަށް އިންތިހާބުވެ ވަޑައިގެންނެވީ، އޭނާއާ ވާދަކުރެއްވި އަބްދުއްސަލާމް އާރިފްއާ ވާދަކުރާއްވާ ހަތަރު ވޯޓުގެ ތަފާތުންނެވެ. ނޫރްބާން އަށް 101 ވޯޓު ލިބިވަޑައިގެންނެވި އިރު އަބްދުއްސަލާމް ލިބިވަޑައިގެންނެވީ 97 ވޯޓެވެ. އެ ދެބޭފުޅުންގެ މެދުގައި ހުރީ ހަތަރު ވޯޓުގެ ފަރަގެވެ.
ބާ ކައުންސިލަށް އައު މެމްބަރަކު އިންތިހާބު ކޮށްފައ މިވަނީ ކުރިން މެމްބަރުކަން ކުރައްވަމުން ގެންދެވި އައިޝާ ޝުޖޫން ސުޕްރީމް ކޯޓުގެ ފަނޑިޔާރަކަށް އައްޔަން ކުރެއްވުމާއި ގުޅިގެން އެކަމަނާ އިސްތިއުފާދެއްވުމުންނެވެ.
ގާނޫނު ފަންނުގެ ގާނޫނާއެކު އަލަށް އުފެއްދި ބާ ކައުންސިލަކީ 9 މެމްބަރުންގެ މައްޗަށް އެކުލެވިގެންވާ ކައުންސިލެކެވެ. ބާ ކައުންސިލްގެ ގާނޫނުގައިވާ ގޮތުން ވަކީލުންނަށް ހުއްދަ ދޫކުރުމާއި ވަކީލުން ކުރާ މަސައްކަތްތައް ބަލައި، ފިޔަވަޅު އެޅުމުގެ ހުރިހާ މަސައްކަތެއް ކުރާނީ ބާ ކައުންސިލުންނެވެ.
