މާލޭގެ ވަންވޭތަކަށް ގެންނަ ބަދަލުތައް ހޮނިހިރު ދުވަހުން ފެށިގެން ތަންފީޒު ކުރަނީ
28 ސެޕްޓެމްބަރު 2019 | ހޮނިހިރު 07:42ހުށައެޅުން ހުށައެޅުއްވީ ޓްރާންސްޕޯރޓް ކޮމިޓީގެ މުޤައްރިރު އަހުމަދު ޒަމީރު
މާލޭގެ މަގެއް
މާލޭ ސިޓީގެ ވަންވޭތަކަށް ގެންނަން ނިންމާފައިވާ ބަދަލުތައް ހޮނިހިރު ދުވަހުން ފެށިގެން ތަންފީޒު ކުރާނެ ކަމަށް މާލޭ ސިޓީ ކައުންސިލުން ބުނެފިއެވެ.
މާލޭ ސިޓީ ކައުންސިލުގެ 74 ވަނަ ބައްދަލުވުމުގައި ޓްރާންސްޕޯރޓް ކޮމިޓީގެ މުޤައްރިރު އަހުމަދު ޒަމީރު ހުށައަޅައި، ކައުންސިލުގެ އަޢުލަބިއްޔަތުން ފާސްވި މި ބަދަލުތަކާ ގުޅޭގޮތުން ސިޓީ ކައުންސިލުން ބުނީ، މާލޭގެ ވަންވޭތަކަށް ގެންނަ ބަދަލު 28 ސެޕްޓެމްބަރު 2019 އިން ފެށިގެން މާލޭ ސިޓީ ކައުންސިލުން ތަންފީޒު ކުރަމުންދާ ކަމަށެވެ.
އެގޮތުން އަލިކިލެގެފާނު މަގު ދެކުނުން އުތުރަށް، ފާށަނާކިލެގެ މަގު އުތުރުން ދެކުނަށް، ހުސްނުހީނާ މަގު އުތުރުން ދެކުނަށް، ދަރުމަވަންތަ މަގު ހުޅަނގުން އިރަށް އަދި ހިތަށް ފިނިވާ މަގާއި، ހުސްނުހީނާ މަގާއި، ނޫރާނީ ގޯޅިއާ ދެމެދު ދެކޮޅަށް އަދި ޝަހީދު ކުޑަ އާދަމް ކުޑަތުއްތު ހިނގުން، ލިލީމަގާއި ދަރުމަވަންތަ މަގާއި ދޭތެރޭގައި ދެކޮޅަށް، އަދި ހިލާލީ މަގާއި، ބުރުޒު މަގާއި އަމީނީ މަގާއި ދޭތެރޭ ދެކޮޅަށް ދުއްވުން ހިމެނެއެވެ.
މާލޭގެ މަގުތަކުގެ ވަންވޭއަށް ގެނައި ބަދަލުތައް ތަންފީޒުކުރުމުގެ މަސައްކަތް ފަށާފައިވާއިރު، މާލޭސިޓީގެ ތޮއްޖެހުން ކުޑަކޮށް، ހިނގާބިގާވެ އުޅޭ މީހުންނާއި ދުއްވާ ތަކެއްޗަށްވެސް ފަސޭހަވާނެ ގޮތަށް މާލޭގެ ތްރެފިކް ފްލޯއަށް ބަދަލުތަކެެއް ދަނީ ގެންނަމުންނެވެ.
