ފ. މަގޫދޫ ކޯޓުގެ މެޖިސްޓްރޭޓްގެ މައްސަލާއެއް ބަލަނީ
24 ސެޕްޓެމްބަރު 2019 | އަންގާރަ 13:35ޖޭއެސްސީން ދަނީ އިތުރު ފަނޑިޔާރުންގެ މައްސަލަތަކެއް ބަލަމުން
އަލީ ސަމާޚް | 24 ސެޕްޓެމްބަރު 2019 | އަންގާރަ 13:35
ޖޭއެސްސީގެ މެމްބަރުންތަކެއް
ފ. މަގޫދޫ މެޖިސްޓްރޭޓް ކޯޓުގެ އިސްމެޖިސްޓްރޭޓް އަބްދުއްސައްތާރު ސުލައިމާންގެ މައްސަލަ އެއް ޖުޑީޝަލް ސާވިސް ކޮމިޝަން ( ޖޭއެސްސީ) އިން ބަލަން ފަށައިފިއެވެ.
ޖޭއެސްސީން ބުނީ، އަންގާރަ ދުވަހު ބޭއްވި އެ ކޮމިޝަނުގެ 66 ވަނަ ބައްދަލުވުމުގައި އަބްދުއްސައްތާރާއި ބެހޭގޮތުން ހުށައެޅިފައިވާ މައްސަލައެއް ބަލަން ނިންމާފައިވާ ކަމަށެވެ. ބަަލަމުން ދަނީ ކޮން މައްސަލައެއް ކަމެއް ޖޭއެސްސީން ހާމައެއް ނުކުރެއެވެ.
މަގޫދޫ ކޯޓުގެ އިސްމެޖިސްޓްރޭޓުގެ މައްސަލައެއް ބަލަމުންދާ ކަމަށް ޖޭއެސްސީން ބުނެފައިވާއިރު، ކްރިމިނަލް ކޯޓުގެ ގާޒީ ހަސަން ނަޖީބު އާއި ސިވިލް ކޯޓުގެ ހަސަން ފަހީމް ހިމެނޭ ގޮތަށް ހަތަރު ފަނޑިޔާރެއްގެ މައްސަލަ އެއްވެސް ބަލަމުންދާ ކަމަށް ޖޭއެސްސީން ވަނީ ހާމަކޮށްފައެވެ.
