ތިން ކާރެއް ޖެހި ހައިވޭގައި އެކްސިޑެންޓެއް ހިނގައިފި
24 ސެޕްޓެމްބަރު 2019 | އަންގާރަ 12:19މީހަކަށް އަނިޔާވި ކަމެއް އެނގިފައެއް ނެތް
ތިން ކާރު އެކްސިޑެންޓް ވެފައި
މާލެ އިން ހުޅުމާލެ ދުއްވާފައި ދިޔަ ކާރެއް ކުއްލިއަކަށް މަޑުކުރުމުން ފަހަތުން އައި ދެކާރު ޖެހި އެކްސިޑެންޓެއް ހިނގައިފިއެވެ.
ފުލުހުން ބުނީ، އެ ހާދިސާ ހިނގީ އަންގާރަ ދުވަހު މެންދުރު ހުޅުމާލެއަށް ދިޔަ ކާރެއް ހައިވޭގައި ކުއްލިއަކަށް މަޑު ކުރުމުން ފަހަތުން އައި ދެކާރު ކޮންޓްރޯލް ނުވެގެން ގޮސް ޖެހިގެންނެވެ.
އެކާރު މަޑުކުރީ، ހައިވޭގައި މަސައްކަތް ކުރަން ޖަހާފައިވާ ކޯންއެއް ވަޔާ ކާރާއި ދިމާލަށް ދިޔުމުންނެވެ. އެ އެކްސިޑެންޓްގައި މީހަކަށް އަނިޔާވެފައިވާ ކަމަށް އެނގިފައި ނުވެއެވެ. އެހެން ނަމަވެސް ފަހަތުން އައި ކާރުތަކަށް ވަނީ ކޮންމެވެސް ވަރަކަށް ގެއްލުން ވެފައިވެއެވެ. ފުލުހުން ބުނީ، ތިން ކާރު ޑްރައިވަރުންގެ އަތުގައިވެސް ލައިސެންސް އޮތް ކަމަށެވެ.
ފުލުހުން ދަނީ އެ މައްސަލަ ތަހުގީގު ކުރަމުންނެވެ.
