އަލިފާނުގެ ހާދިސާގައި ނިޔާވި ޝައުނާގެ ހަށިގަނޑު ވަޅުލައިފި
21 ސެޕްޓެމްބަރު 2019 | ހޮނިހިރު 08:35ޝައުނާގެ މައްޗަށް ކަށު ނަމާދު ކުރެވުނީ އިސްލާމީ މަރުކަޒުގައި
ދާނިޝް ނިޡާމް | 21 ސެޕްޓެމްބަރު 2019 | ހޮނިހިރު 08:35
ޝައުނާގެ ކަށުނަމާދު ، އިސްލާމީ މަރުކަޒުގައި
ހުކުރު ދުވަހުގެ ރޭ މާލޭގައި ހިނގި އަލިފާނުގެ ހިތާމަވެރި ހާދިސާގައި ނިޔާވި ޝައުނާގެ ހަށިގަޑު ވަޅުލައިފިއެވެ.
ޝައުނާ ގެއްލިގެން އެމްއެންޑީއެފަށް ރިޕޯޓު ލިބުމާއެކު ޝައުނާ ހޯދުމުގެ މަސައްކަތް ކުރަން ފެށި އެވެ. ނަމަވެސް ތ. ބުރުނިއަށް ނިސްބަތްވާ 49 އަހަރުގެ ޝައުނާގެ ހަށިގަނޑު ފެނިފައިވަނީ ވަރަށް ބޮޑަށް ފިހިފައިވަނިކޮށް އޭނާ ދިރިއުޅޭ އެޕާޓްމެންޓުގެ ތެރެއިންނެވެ.
އެ ހަށިގަނޑު ފިހިފައިވުމުގެ ސަބަބުން އެއީ ކާކުކަންވެސް ވަކިނުވާކަމަށާއި ޝައުނާގެ ހަށިގަނޑުގެ 60 އިންސައްތަ އެއްކޮށް ފިހިފަަައިވާކަމަށް އެމްއެންޑީއެފުން ވަނީ މައުލޫމާތު ދީފައެވެ.
ޝައުނާގެ ކަށުނަމާދު ކުރިޔަށް ދިޔައީ މެންދުރު ނަމާދަށް ފަހު އިސްލާމީ މަރުކަޒުގައެވެ.
