މާލޭއަށް ބޯކޮށް ވާރޭ ވެހި، މަގުތައް ފެން ބޮޑުވެއްޖެ!
އޭޑީކޭ ހޮސްޕިޓަލްގައި ވަނީ ފެން ބޮޑުވެފަ
އުމްނާ އިސްމާއިލް | 20 ސެޕްޓެމްބަރު 2019 | ހުކުރު 23:52
މާލޭގެ މަގުތައް ފެން ބޮޑުަވަނީ
މާލެއަށް ބޯކޮށް ވާރެ ވެހި، މަގުތަކުގައި ފެން ބޮޑުވެއްޖެއެވެ.
މަގުތަކުގައި ފެންބޮޑުވެ، ބައެއް ގެތަކަށް ފެން ވަންނަ ކަމުގެ މައުލޫމާތު ވަނީ ލިބިފައެވެ. އެގޮތުން އޭޑީކޭ ހޮސްޕިޓަލްގައި ވަނީ ފެން ބޮޑުވެފައެވެ. މީގެ އިތުރުން އެސްޓީއޯ ހޯމް އިމްޕްރޫވްމެންޓް ކައިރީވެސް ވަނީ ފެން ބޮޑުވެފައެވެ.
މާލެއަށް ބޯކޮށް ވާރޭ ވެހި، ފެންބޮޑުވެފައިވާއިރު ޅ ހިންނަވަރަށް ވެސް ބޯކޮށް ވާރޭ ވެހި ވަނީ ފެން ބޮޑުވެފައެވެ.
މޫސުމާއި ބެހޭ ޤައުމީ އިދާރާ އިން ވަނީ ހއ. އަތޮޅުން މ. އަތޮޅަށް މެޓް އޮފީހުން ވައިޓް އެލާރޓް ނެރެފައެވެ. އެގޮތުން ވައިޓް އެލާރޓް ނެރެފައިވަނީ މެންދަމު 03:00 އަކުން ހެނދުނު 08:00 އަށެވެ.
