އއ.އުކުޅަހުގެ ގޯތިތަކުގައި ހައުސިންގ ޔުނިޓް އެޅުމަށް ބޭނުންވާ ފަރާތްތަކަށް އެ ފުރުސަތު ހުޅުވާލައިފިއެވެ.
އުކުޅަހު ކައުންސިލުން ބުނީ ސަރުކާރުގެ ބޯހިޔާވަހި ކަމުގެ ވައުދުގައި ހިމެނޭ ބައިތަކުގެ ތެރެއިން ހައުސިންގ ޔުނިޓް އެޅުމަށް ހިންގާ މަޝްރޫއުގެ ދަށުން އުކުޅަހުގައި 114 ހައުސިންގ ޔުނިޓް އެޅުމަށް ހަމަޖެހިފައިވާ ކަމަށެވެ.
ކައުންސިލުން ބުނީ ދިރިއުޅުމަށް ގެ އިމާރާތް ނުކުރެވި ހުރި ގޯތިތަކުގައި ހައުސިންގ ޔުނިޓް އިމާރާތް ކުރުމަށް ބޭނުންވާ ފަރާތްތަކަށް އެ ފުރުސަތު ހުޅުވާލައިފައިވާ ކަމަށާއި، ގޯތީގައި ހައުސިންގ ޔުނިޓް އިމާރާތް ކުރުމަށް ބޭނުންވާ ފަރާތްތަކުން 13 އޮކްޓޯބަރު ވާ އާދިއްތަ ދުވަހުގެ 13:00 ގެކުރިން ކައުންސިލަށް ފޯމް ހުށަހެޅުމަށް އެދޭ ކަމަށެވެ.
ކައުންސިލުން ބުނީ މިކަމަށް އެދި ހުށަހަޅަން ޖެހޭ ފޯމް އެއިދާރާގެ ވެބްސައިޓުން ޑައުންލޯޑް ކުރެވޭނެ ކަމަށާއި، ރަސްމީ ގަޑީގައި އިދާރާގެ ކައުންޓަރުން ފޯމް ދޫކުރަމުން ދާނެ ކަމަށެވެ.
