ޑްރީމް ގާލް އަކީ ހިޓެއް

މި މަހުގެ 13 ވަނަ ދުވަހު ނެރުނު އަޔުޝްމާން ޙުރާނާ އާއި ނުޝްރަތް ބަރުޗާގެ ''ޑްރީމް ގާލް'' ހިޓަކަށްވެއްޖެއެވެ.

ނިމިގެން ދިޔަ ހަފްތާގެ ހުކުރު ދުވަހު ރިލީޒް ކުރި އެ ފިލްމު ވަނީ ފުރަތަމަ ދުވަހު 10.05 ކްރޯޑް ހޯދާފައެވެ. ދެވަނަ ދުވަހު ބޮކްސް އޮފީހުގައި 16 ކްރޯޑް ރުޕީސްގެ އާމްދަނީ ހޯދައި ހޯމަ ދުވަހާ ހަމަޔަށް އެ ފިލްމު ވަނީ 52 ކްރޯޑް ހޯދާފައެވެ. މި ފިލްމަކީ މިއަހަރު މިއަހަރު ނެރުނު އަޔުޝްމާންގެ ފިލްމު ތަކުގެ ތެރެއިން ދެވަނަ އަށް ހިޓްވި ފިލްމެވެ. މި އަހަރު ނެރުނު އަޔުޝްމާންގެ ފިލްމު އާޓިކަލް 15 އަކީ ވެސް ހިޓެކެވެ.

ފިލްމާއި ބެހޭ ގޮތުން ވާހަކަ ދައްކަމުން ގައުމީ އެވޯޑްވެސް ހޯދާފައިވާ އަޔުޝްމާން ބުނީ، އޭނާ އަބަދުވެސް ބޭނުންވަނީ ބެލުންތެރިންނާ ހަމައަށް ތަފާތު އެއްޗެއް ގެނެސްދެވޭތޯއެވެ. އެގޮތުން އެ ފިލްމަކީ އެފަދަ ފިލްމެއް ކަމަށް އޭނާ ބުންޏެވެ. ޑްރީމްގެ ގާލްގެ ލަވަތައް ކަމަށްވާ ''ރާދޭ ރާދޭ'' އާއި ''ދަގާލާ ލަގްލީ ކަލް ރިމިކްސް'' އަކީ ބެލުންތެރިންނަށް ވަރަށް ކަމުދާ ލަވަތަކެވެ.