މިދިޔަ ހަފްތާގައި ގަވާއިދާ ހިލާފަށް ޕާކު ކޮށްގެން 544 ވެހިކަލްއެއްގައި ސްޓިކާޖެހި
15 ސެޕްޓެމްބަރު 2019 | އާދީއްތަ 07:48398 ވެހިކަލްއެއް ބަލާ ފާސްކޮށްފައިވޭ
ފުލުހުން ސައިކަލުތަކެއްގައި ސްޓިކަރ ޖަހަނީ
މިދިޔަ ހަފްތާތެރޭގައި ގަވާއިދާ ހިލާފަށް ޕާކު ކޮށްގެން 544 ވެހިކަލްއެއްގައި ސްޓިކާ ޖަހާފައިވާ ކަމަށް ފުލުހުން ބުނެފި އެވެ.
ފުލުހުން ބުނީ މިމަހުގެ 07 އިން 13 ގެ ނިޔަލަށް ޕާކިން ޒޯނުން ބޭރުގައި ނުވަތަ ގަވާއިދާ ހިލާފަށް ޕާކުކޮށްފައިހުރި 544 ވެހިކަލްއެއްގައި ސްޓިކާ ޖަހާފައިވާ ކަމަށެވެ.
އެމުއްދަތުގެ ތެރޭގައި 398 ވެހިކަލްއެއް ބަލާ ފާސްކޮށްފައިވާ ކަމަށާއި، 70 ވެހިކަލެއް ޓޯ ކޮށްފައިވާ ކަމަށެވެ. ގަވައިދާ ހިލާފަށް ޕާކްކުރުމުގެ ސަބަބުން މީގެ ކުރިން ވެސް ގިނަ އަދަދެއްގެ ވެހިކަލް ވަނީ ޓޯކޮށްފައެވެ.
ޓޯކުރާ ވެހިކަލްތައް ނައްތާލަނީ އެ ތަކެއްޗާ ހަވާލުވުމަށް އިއުލާނުކޮށްގެން ވެސް ދޭ މުއްދަތުގެ ތެރޭގައި ހަވާލުވާން ނައުމުން ގާނޫނީ ގޮތުން ފުރިހަމަކުރަންޖެހޭ ކަންކަން ފުރިހަމަކުރުމަށް ފަހުއެވެ.
މިދިޔަ ހަފްތާގައި ޤަވާއިދާއި ހިލާފަށް ޕާކް ކޮށްގެން 544 ވެހިކަލެއްގައި ސްޓިކާ ޖަހާފައިވާއިރު މިދިޔަ ހަފްތާގައި މާލެސިޓީގައި 56 އެކްސިޑެންޓް ހިނގާފައިވާ ކަމަށް ފުލުހުން ބުނެފައިވެއެވެ. ފުލުހުން އާއްމުކުރި ތަފާސްހިސާބުތައް ދައްކާ ގޮތުގައި މިމަހުގެ ހަތް ވަނަ ދުވަހުން 13 ވަނަ ދުވަހާ ހަމައަށް މާލޭގައި 56 އެކްސިޑެންޓް ހިނގާފައިވާ ކަމަށާއި، ނުވަ މީހަކަށް އެކިވަރުގެ އަނިޔާ ލިބިފައިވާ ކަމަށެވެ. މީގެ އިތުރުން ލައިސެންސް ނެތި ވެހިކަލް ދުއްވި 94 މައްސަލައެއް ބަލާފައިވާއިރު، ލައިސެންސް ކާޑު އަތުގައި ނެތި ވެހިކަލް ދުއްވި 62 މައްސަލައެއް ފުލުހުން ވަނީ ބަލާފައެވެ.
ވެހިކަލް ދުއްވަން ކަނޑައަޅާފައިވާ ސްޕީޑަށް ވުރެ ބާރު ސްޕީޑެއްގައި ދުއްވައިގެން އެއް މައްސަލައެއް ބަލާފައިވާއިރު، 18 އަހަރު ނުފުރޭ ކުދިން ވެހިކަލް ދުއްވި ހަތަރު މައްސަލަ އެއް ވެސް ފުލުހުން ވަނީ ބަލާފައެވެ.
