ނޮޅިވަރަމުގެ މަގުތަކުގެ އީއައިއޭ ހަދާނެ ބަޔަކު ހޯދަނީ

ހދ.ނޮޅިވަރަމުން އަލަށް ދޫކުރުމަށް ހަމަޖެހިފައިވާ ގޯތިތަކާގުޅޭ މަގުމަގާއި ގޯޅިތަކުގެ އެންވައިރަމަންޓަލް އިމްޕެކްޓް އެސެސްމަންޓް ރިޕޯޓް ތައްޔާރުކޮށްދޭނެ ފަރާތެއް ފަރާތެއް ހޯދުމަށް އެރަށު ކައުންސިލުން އިއުލާނުކޮށްފި އެވެ.

ނޮޅިވަރަމު ކައުންސިލުން ބުނީ އެރަށުން އަލަށް ދޫކުރަން ނިންމާފައިވާ ގޯތިތަކާގުޅޭ މަގުމަގާއި ގޯޅިތަކުގެ އެންވައިރަމަންޓަލް އިމްޕެކްޓް އެސެސްމަންޓް ރިޕޯޓް ތައްޔާރުކޮށްދޭނެ ފަރާތެއް ހޯދަމުން އަންނަކަމަށާއި، މިކަމަށް ޝައުގުވެރިވާ ފަރާތްތަކުން 24 ސެޕްޓެމްބަރުވާ އަންގާރަ ދުވަހުގެ ހެނދުނު 10:30 އަށް ނޮޅިވަރަމު ކައުންސިލްގެ އިދާރާއަށް ހާޒިރުވެ، މައުލޫމާތު ސާފުކުރުމަށްފަހު 30 ސެޕްޓެމްބަރު ވާ ހޯމަ ދުވަހުގެ ހެނދުނު 10:30 އަށް އަންދާސީ ހިސާބު ހުށަހަޅަންޖެހޭ ކަމަށެވެ.

Advertisement

ކައުންސިލުން ބުނީ އަންދާސީ ހިސާބު އޮންނަންވާނީ ބަންދު ކުރެވިފައިވާ ސިޓީއުރައެއްގައި ކަމަށާއި، އަދި ސިޓީއުރައިގެ ބޭރުގައި "އެންވައިރަމަންޓަލް އިމްޕެކްޓް އެސެސްމަންޓް ރިޕޯޓް ތައްޔާރުކޮށްދިނުމަށް އެދި" މިހެން ލިޔުމަށްފަހު، ހުށަހަޅާފަރާތުގެ ނަމާއި އެޑްރެސް އެނގެން އޮންނަންވާނެ ކަމަށެވެ. އަދި އަންދާސީ ހިސާބު ބަލައިގަތުމާއި ކެނޑުން އޮންނާނީ ކަނޑައެޅިފައިވާ ތާރީޚްގައި އަންދާސީ ހިސާބު ހުށަހަޅާ ފަރާތުގެ ހާޒިރުގައި ކަމަށެވެ.

މީގެ އިތުރުން ކައުންސިލުން ބުނީ މައުލޫމާތު ސާފުކުރުމަށްފަހު ނާންނަ ފަރާތްތަކުން ހުށަހަޅާ އަންދާސީ ހިސާބާއި އަދި މައުލޫމާތު ފުރިހަމަ ނުވާ އަންދާސީ ހިސާބުތައް ބަލައިނުގަނެވޭނެ ކަމަށާއި، އެއްވެސް ފަރާތެއްގެ ބަދަލުގައި އަންނަނަމަ އެކަން އެނގޭނެ ލިޔުމެއް ހުށަހަޅަންޖެހޭ ކަމަށެވެ. އަދި އެނޫން ފަރާތަކަށް މައުލޫމާތު ސާފުކުރުމުގައި ބައިވެރި ނުވެވޭނެ ކަމަށް ކައުންސިލުން ބުންޏެވެ.

ކައުންސިލުން ބުނީ އެކަމަށް ކުރިލަތިލާ ފަރާތްތަކުގެ ތެރެއިން އެންމެ ރަނގަޅު ފަރާތެއް ހޮވުމަށް ޕޮއިންޓް ދޭނެ ގޮތަކީ މަސައްކަތުގެ އަގަށް 60 ޕޮއިންޓު އަދި މަސައްކަތް ނިންމާ މުއްދަތަށް ވިހި ޕޮއިންޓެވެ. އަދި އެފަދަ މަސައްކަތްތައް ކުރެވިދާނެ ކަމުގެ މާލީ ގާބިލު ކަމަށް ދިހަ ޕޮއިންޓު ދޭގޮތަށް އޮތްއިރު މަސައްކަތުގެ ތަޖުރިބާއަށް ވެސް ވަނީ ދިހަ ޕޮއިންޓެވެ.