12 ރަށެއްގައި ކުޑަކުދިންގެ ޕާކް ހެދުމަށް ހަވާލުކޮށްފި
12 ސެޕްޓެމްބަރު 2019 | ބުރާސްފަތި 12:42މި މަސައްކަތް 45 ދުވަހުގެ ތެރޭގައި ނިންމަން ޖެހޭ
އެއްބަސްވުމުގައި ސޮއިކުރުމުގެ ތެރެއިން
12 ރަށެއްގައި ކުޑަކުދިންގެ ޕާކް ހެދުމަސް ބޭނުންވާ ސާމާނު ސަޕްލައި ކުރުމަށް ބްރައުނީ ބްރަދަރސް ޕްރައިވެޓް ލިމިޓެޑާއި ހަވާލުކޮށްފިއެވެ.
މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓްގައި ބޭއްވި ރަސްމިއްޔާތެއްގައި މިނިސްޓްރީގެ ފަރާތުން ކޮންޓްރެކްޓްގައި ސޮއިކުރެއްވީ މިނިސްޓަރ އަހްމަދު މަހްލޫފްއެވެ. އަދި ބްރައުނީ ބްރަދަރސްގެ ފަރާތުން އެއްބަސްވުމުގައި ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރއެވެ.
މި މަސައްކަތަށް ގާތްގަނޑަކަށް އެއް މިލިއަން ރުފިޔާ ހަރަދު ވާއިރު މި މަސައްކަތް 45 ދުވަހުގެ ތެރޭގައި ނިންމަންޖެހެއެވެ.
މި ރަސްމިއްޔާތުގައި މިނިސްޓަރ މަހްލޫފް ވިދާޅުވީ ރަށްރަށުގައި ޕާކް އެޅުމުގެ މަޝްރޫއުގެ ދަށުން މިހާރު ޖުމްލަ 50 އާއި ގާތް ކުރާ އަދަދަކަށް ޕާކުގެ މަސައްކަތް ކުރެވެމުންދާ ކަމަށާއި، ސަރުކާރުން މިކަން ކުރާއިރު އާބާދީގެ ތަފާތުކުރުން ނައްތާލާ ކުދި އާބާދީގެ ރަށްރަށުގައި ވެސް ޕާކު އެޅިގެން ދާނެކަމަށެވެ.
12 ރަށުގައި ކުޑަކުދިންގެ ޕާކް ގާއިމްކުރުމަށް ބޭނުންވާ ސާމާނު ހޯދުމަށް ހަވާލުކޮށްފައިވާއިރު ޕާކްތައް ގާއިމުކުރާ ރަށްތައް ފަހުން އިއުލާން ކުރެވޭނެއެވެ.
