އިންޑިއާގައި 73 އަހަރުގެ އަންހެނަކަށް އެއްްމާބަނޑު ދެ ކުދިން ލިބިއްޖެ
7 ސެޕްޓެމްބަރު 2019 | ހޮނިހިރު 03:44އެ އަންހެން މީހާ ވިހާފައިވަނީ ވަނީ ބުރާސްފަތި
އިންޑިއާގެ އަންހެން މީހާ
އިންޑިއާގައި އުމުރުން 73 އަހަރުގެ އަންހެނަކަށް އެއްްމާބަނޑު ދެ ކުދިން ލިބިއްޖެއެވެ.
އިންޑިއާގެ ދެކުނުގެ އަންދުރަ ޕްރަދޭޝް ސްޓޭޓުގެ އެ އަންހެން މީހާ ވިހާފައިވަނީ ވަނީ ބުރާސްފަތި ދުވަހުއެވެ. ދެ ކުދިން ނެގީ ސިޒޭރިއަން އޮޕަރޭޝަން ކޮށްގެންނެވެ.
އެ އަންހެން މީހާ އާއި އޭނާގެ 82 އަހަރުގެ ފިރިމީހާ އަބަދު ވެސް ކުދިން ބޭނުންވާ ކަމަށާއި އެންމެ ފަހުން އެއްމާބަނޑު ދެ ކުދިން ލިބުމުން ވަރަށް އުފާވި ކަމަށް ބޭރުގެ ޚަބަރުތަކުން ރިޕޯޓުކޮށްފައިވެއެެވެ.
ދެމަފިރިންގެ މުސްކުޅި އުމުރަށް ބަލައި އެ މީހުންނަށް ކަމެއް ދިމާވެއްޖެނަމަ ކުދިން ބަލާނީ ކިހިނެއްތޯ ގިނަ ބަޔަކު ދަނީ ސުވާލުކުރަމުންނެވެ. މަންމަ އާއި ދެ ދަރިންގެ ހާލު ރަނގަޅުކަމަށް ވެސް ޚަބަރުތަކުން ވަނީ ރިޕޯޓު ކޮށްފައެވެ.
އިންޑިއާގައި 2016 ވަނަ އަހަރު ވެސް ވަނީ އުމުރުން 70 ގެ އަހަރުގެ އަންހެނަކަށް ކުއްޖަކު ލިބިފައެވެ.
