ބާ ކައުންސިލްގެ ފުރަތަމަ ފޯރަމް ހޯމަ ދުވަހު
ފޯރަމް ބާއްވަނީ އިސްލާމިކް ޔުނިވަރސިޓީގަ
ބާ ކައުންސިލްގެ ހުސްވެފައިވާ މަގާމަށް ބޭފުޅަކު އައްޔަން ކުރެއްވުމަށް މިމަހުގެ 28 ވަނަ ދުވަހު ބައި އިލެކްޝަން ބޭއްވުމަށް އިލެކްޝަންސް ކޮމިޝަނަށް ހުށައަޅައިފި
ބާ ކައުންސިލްގެ ފުރަތަމަ ފޯރަމް، 09 ސެޕްޓެމްބަރު 2019 ވާ ހޯމަ ދުވަހު ބާއްވަން ނިންމައިފިއެވެ.
ބާ ކައުންސިލުން ހުކުރު ދުވަހު ކޮށްފައިވާ ޓްވީޓެއްގައި ބުނެފައި ވަނީ އެ ކައުންސިލްގެ ފުރަތަމަ ފޯރަމް ބާއްވަން ހަމަޖެހިފައި އޮތީ އިސްލާމިކް ޔުނިވަރސިޓީގެ ހޯލްގައި ކަމަށެވެ. އަދި ފޯރަމް ފެށޭނީ ރޭގަނޑު 8:30 ގައި ކަމަށް ޓްވީޓްގައި ބުނެފައި ވެއެވެ.
ބާ ކައުންސިލުން ވަނީ މި ފޯރަމަށް ކައުންސިލުންގެ ހުރިހާ މެންބަރުންނަށް ދައުވަތު އަރުވާފައެވެ.
ވަކީލުންގެ ކަންކަން ރެގިއުލޭޓްކޮށް ބެލެހެއްޓުމަށް ބާ ކައުންސިލް އުފައްދާ އެ ކައުންސިލްގެ މެންބަރުން ހޮވުމަށް އިންތިހާބު ބާއްވާފައި ވަނީ ޖުލައި މަހުގެ ތެރޭގައެވެ. ކައުންސިލަށް އިންތިހާބުވި އާއިޝާ ޝުޖޫން މުހައްމަދު ވަނީ ސުޕްރީމް ކޯޓުގެ ފަޑިޔާރުގެ މަގާމަށް އައްޔަން ކުރެއްވުމާ ގުޅިގެން ކައުންސިލުގެ މެންބަރު ކަމުގެ މަގާމުން އިސްތިއުފާ ދެއްވާފައެވެ. ބާ ކައުންސިލުން ވަނީ މި މަގާމަށް ބެފުޅަކު އައްޔަނު ކުރެއްވުމައްޓަކައި ބައި އިލެކްޝަނެއް މި މަހުގެ 28 ވަނަ ދުވަހު ބޭއްވުމަށް އިލެކްޝަންސް ކޮމިޝަނަށް ހުށައަޅާފައެވެ.
