39 އަހަރަށްފަހު ހޮންގްކޮންގްގެ ފްލެގްޝިޕްކަމުން ކެތޭ ޕެސިފިކް އެއަރލައިންގެ ޗެއަރމަން ޖޯން ސްލޯސަރ ވަކިވުމަށް ނިންމައިފިއެވެ.
ސްލޮސަރ މިގޮތަށް ނިންމަވާފައިވަނީ ހޮންގްކޮންގްގައި ކުރިއަށްދާ މުޒާހަރާތަކާއިމެދު އެ އެއަރލައިންއިން ދެކޭ ގޮތާއިމެދު ފެތުރުނު އަޑުތަކަށް އެތަކެއް ހަފްތާއެއްވެފައިވަނިކޮށެވެ.
އެ އެއަރލައިންގެ އިސް މަގާމުތަކުގައި ތިބި ދެ ފަރާތަކުން ވަނީ މުޒާހަރާގެ މައްސަލައިގައި މަގާމުން ވަކިވެފައެވެ. އޭގެ ތެރޭގައި އެއަރލައިންގެ ކުރީގެ ލީޑަރު ރުޕަރޓް ހޮގްވެސް ހިމެނެއެވެ. އަދި ސްލޮސަރ ރިޓަޔަރ ވުމަށް ވިސްނާތާ ގިނަ ދުވަސްތަކެއްވަންދެން ވިސްނި ކަމަށް އެ އެއަރލައިންއިން ބުނެފައިވެއެވެ.
ކެތޭ ޕެސިފިކްއާއިމެދު މީހުންގެ މެދުގައި ނުރުހުމުގެ ވާހަކަތައް ފެށިގެންދިޔައީ އެ އެއަރލައިންގެ ސްޓާފުންގެ ގާތުގައި، ހޮންގްކޮންގްގެ މުޒާހަރާތަކުގައި ބައިވެރިވުން އެ ކުންފުނިން ނުހުއްޓުވާނެ ކަމަށް ބުނިފަހުންނެވެ.
ނަމަވެސް، މުޒާހަރާގައި ބައިވެރިވެއްޖެނަމަ ވަޒީފާއިން ވަކިކުރާނެ ކަމަށް ކެތެވޭ އެއަރލައިންގެ ސްޓާފުންނަށް އޮތީ އެ އެއަރލައިން އިން އިންޒާރުދީފައެވެ. އަދި ބައެއް މީހުން ވަކިވެސް ކުރިއެވެ.
