ހޮންކޮންގްގެ ފްލެގްޝިޕް އެއާލައިން ކެތޭ ޕެސިފިކް ގެ އޮނިގަނޑަށް ގެންނަ ބަދަލަކާ ގުޅިގެން 600 އެއްހާ މުވައްޒަފުން މަދުކުރަން ނިންމައިފިއެވެ.
މަދުކުރާ މުވައްޒަފުންގެ ތެރޭގައި ހިމެނެނީ މެނޭޖްމަންޓްގެ 190 މުވައްޒަފުންނާއި، އަދި ހޮންކޮންގް ގައި ހުންނަ ކެތޭ ޕެސިފިކްގެ މައި އޮފީހުގައި މަސައްކަތް ކުރާ މެނޭޖުމަންޓު ނޫން ލެވެލްގެ 400 މުވައްޒަފުންނެވެ.
މިދިޔަ މާޗް މަހު ކެތޭ ޕެސިފިކް އެއާލައިން އިން ބުނީ އެ ކުންފުނީގެ ހެޑް އޮފީހުގައި މުވައްޒަފުންނަށް ކުރާ ޚަރަދުގެ 30 އިން ސައްތަ މަދުކުރަން ނިންމައިފައިވާ ކަމަށެވެ. މާޗް މަހު ވަނީ ވޭތުވެދިޔަ އަށް އަހަރުގެ ތެރޭގައި އެ އެއާލައިނަަށް ލިބުނު ފުރަތަމަ އަހަރީ ގެއްލުމުގެ ތަފާސްހިސާބު ޝާއިއު ކޮށްފައެވެ.
ކެތޭ ޕެސިފިކް އިން ނެރުނު ބަޔާނެއްގައި ބުނީ މަދުކުރަން ނިންމައިފައި މުވައްޒަފުން މިއަހަރު ނިމެންވާ އިރަށް މަދުކޮށް ނިމޭނެ ކަމަށެވެ.
މިމަހު ކުރީކޮޅު ކެތޭ ޕެސިފިކަށް ވަނީ އާ ޗީފް އެގްޒެކެޓިވެއް އައްޔަން ކޮށްފައެވެ. އެއީ ރުޕާޓް ހޮގްއެވެ.
