ކ. މާލެ
|
2 ސެޕްޓެންބަރ 2019 | ހޯމަ 17:59
ހަމަލާ ދިފައިވަނީ އުމުރުން 36 އަހަރުގެ މީހެއް
ހަމަލާ ދިފައިވަނީ އުމުރުން 36 އަހަރުގެ މީހެއް
ނިއު ޔޯކް ޓައިމްސް
ޓެކްސަސް ޝޫޓިން
ޓެކްސަސްގައި ބަޑީގެ ހަމަލާދިން މީހާ ދެނެގަނެފި
 
މިއީ މަހެއްގެ ތެރޭގައި ދިން ދެވަނަ ހަމަލާ
 
މަރުވި މީހުންގެ ތެރޭގައި ފުލުސް އޮފިސަރުންވެސް ހިމެނޭ
 
ހަމަލާދިނީ ފުލުހުން އޭނާ ހުއްޓުވުމުން

އެމެރިކާގެ ޓެކްސަސްގައި ބަޑީގެ ހަމަލާދީ ހަތް މީހުން މަރާލި މީހާ ދެނެގަނެވިފައިވާ ކަމަށް ޓެކްސަސްގެ ފުލުހުން ބުނެފިއެވެ.

މި ހަމަލާއަކީ މަހެއްގެ ތެރޭގައި ޓެކްސަސް ގައި ދިން ދެވަނަ ހަމަލާއެެވެ.

ހޮނިހިރު ދުވަހު ޓެކްސަސްގެ ހުޅަނގު ސިޓީތައް ކަމަށްވާ މިޑްލޭންޑް އަދި އޮޑެއްސާ ގައި ދިން ބަޑީގެ ހަމަލާގައި މަރުވި މީހުންގެ ތެރޭގައި ތިން ފުލުސް އޮފިސަރަކުވެސް ހިމެނެއެވެ.

މީޑިއާތަކަށް މައުލޫމާތު ދެއްވަމުން ފުލުހުންގެ އިސްވެރިޔާ މައިކަލް ގާކް ވިދާޅުވީ، ހަމަލާދިން މީހަ ދެނެގަނެވިފައިވާ ކަމަށާއި، އެހެން ނަމަވެސް އެ މައުލޫމާތު މީޑިއާ އަށް ހިއްސާކުރަން ބޭނުންނުވާ ކަމަށެވެ. އޭގެ ފަހުން އޮޑެއްސާ ފުލުހުންގެ ފޭސްބުކް ޕޭޖުގައި ކޮށްފައިވާ ޕޯސްޓެއްގައި ބުނީ، ހަމަލާ ދީފައިވަނީ އޮޑެއްސާގެ ރަށްވެއްސެއް ކަމަށްވާ އުމުރުން 36 އަހަރުގެ ސެތް އޭރެން އެޓަރްއެވެ.

ސެތް ހަމަލާދީފައިވަނީ އޭނާ ދުއްވި ރަން ކުލައިގެ ކާރު ސިގްނަލް ނުދީ ދުުއްވަނިކޮށް ޓެކްސަސްގެ ހައިވޭ ޕެޓްރޯ ފުލުހުން ހުއްޓުވުމުންނެވެ. ކާރު ހުއްޓުވުމުން އޭރެން ވަނީ ކާރު ތެރޭގައި ހުރެެ އޮފިސަރުންނާ ދިމާލަށް ބަޑި ޖަހައި އެކަކު ޒަހަމް ކުރުމަށް ފަހު ފިލާފައެވެ. އޭގެ ފަހުން ބާރު ސްޕީޑުގައި ކާރުދުއްވަމުން ހިނގާފައި ދިޔަ މީހުންނާ ދިމާލަށް ބަޑިޖަހައި އޭނާ ވަނީ ޕޯސްޓު އޮފީހުގެ އުޅަނދެއް ހައިޖެކް ކޮށްފައެވެ.

އެ އުޅަނދު ހައިޖެކޮށްގެން ދާން އުޅެނިކޮށް މިޑްލޭންޑް އާއި އޮޑެއްސާ ފުލުހުން ވަނީ އޭނާ މަރާލާފައެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
0%
0%
0%
0%
0%
ކޮމެންޓް