މޫދާއި ދިމާލުގައިހުރި ހިލަތަކެއްގެ މައްޗަށް މީހަކު ވެއްޓި ހާލު ސީރިއަސްވެއްޖެ
ހާދިސާ ހިނގާފައިވަނީ ހެނދުނު 08:01 ހާއިރު
ހިތަދޫ ރީޖަނަލް ހޮސްޕިޓަލް
ސ. ހިތަދޫ ޕޯޓް ސަރަހައްދުން ސައިކަލެއްގައި ދިޔަ މީހަކު އެ ސަރަހައްދު މޫދާއި ދިމާލުގައި ހުރި ހިލަތަކެއްގެ މައްޗަށް ވެއްޓި ހާލު ސީރިއަސްވެއްޖެއެވެ.
އާދިއްތަ ދުވަހު ހިނގި މި ހާދިސާއާ ގުޅޭގޮތުން ފުލުހުންގެ މީޑިއާ އޮފިޝަލު ވިދާޅުވީ، ހާދިސާ ހިނގާފައިވަނީ ހެނދުނު 08:01 ހާއިރު ކަމަށާއި، މި ހާދިސާގައި އަނިޔާވެފައިވަނީ 47 އަހަރުގެ ދިވެހި ފިރިހެނަކަށް ކަމަށެވެ. އެގޮތުން މޫދާއި ދިމާލުގައި ހުރި ހިލަތަކެއްގެ މައްޗަށް ވެއްޓުމުގެ ސަބަބުން އޭނާގެ ހާލު ސީރިއަސް ކަމަށާއި، ހިތަދޫ ރީޖަނަލް ހޮސްޕިޓަލުގެ އައިސީޔޫގައި ފަރުވާދެމުންދާ ކަމަށް ފުލުހުން ބުނެފައިވެއެވެ.
ހޮސްޕިޓަލާ ހަވާލާދީ ފުލުހުން އިތުރަށް ބުނީ، އޭނާގެ ހާލު ސީރިއަސް ކަމަށާއި، މާލެ ގެނައުމުގެ މަސައްކަތް ކުރަމުންދާ ކަަމަށެވެ.
ފުލުހުން ބުނީ މި މައްސަލަ ތަހުޤީޤު ކުރަމުންދާ ކަމަށެވެ.
މި މައްސަލައިގެ އިތުރު ތަފްސީލެއް ފުލުހުން ހާމައެއް ނުކުރެއެވެ.
