ރާއްޖެއާއި ޖަޕާނާއި ދެމެދު ބާއްވާ ޕޮލިސީ ޑައިލޮގްގެ ދެވަނަ ބުރު ބާއްވައިފި
27 އޯގަސްޓު 2019 | އަންގާރަ 14:52ރާއްޖެއާ ޖަޕާނާއި ދެމެދު އެކި ދާއިރާތަކުން ގުޅުން ބަދަހިކުރުމަށް ބާއްވާ ފޯރަމެއް
ރާއްޖެއާއި ޖަޕާނާއި ދެމެދު ބާއްވާ ޕޮލިސީ ޑައިލޮގްގެ ދެވަނަ ބުރުގެ ތެރެއިން
ދިވެހިރާއްޖެއާއި ޖަޕާނާއި ދެމެދު ބާއްވާ ޕޮލިސީ ޑައިލޮގްގެ ދެވަނަ ބުރު މާލޭގައި ބާއްވައިފިއެވެ.
އަންގާރަ ދުވަހު މިޑައިލޮގްގެ ފުރަތަމަ ބުރު ބާއްވާފައިވަނީ 2018 ވަނަ އަހަރު ޖަޕާނުގެ ވެރިރަށް ޓޯކިޔޯގައެވެ.
މި ޑައިލޮގަކީ ދިވެހިރާއްޖެއާއި ޖަޕާނާއި ދެމެދު އެކި ދާއިރާތަކުން ގުޅުން ބަދަހިކޮށް، އިތުރަށް ހަރުދަނާކުރުމަށް ބާއްވާ ފޯރަމެކެވެ.
ދިވެހިރާއްޖޭގެ ފަރާތުން މި ޑައިލޮގްގައި ބައިވެރިވެވަޑައިގެންނެވި ވަފުދުގައި އިސްކޮށް ހުންނެވީ މިނިސްޓަރ އޮފް ސްޓޭޓް ފޮރ ފޮރިން އެފެއަރޒް އަހުމަދު ޚަލީލުއެވެ.
ޖަޕާނުގެ ފަރާތުން އެންމެ އިސްކޮށް ހުންނެވީ ޖަޕާނުގެ ފޮރިން މިނިސްޓްރީގެ ސައުތު އީސްޓް އެންޑް ސައުތު ވެސްޓް އޭޝިއަން އެފެއަރޒް ޑިޕާޓްމަންޓްގެ ޑިރެކްޓަރ ޖެނެރަލް މރ. ޝިގެކީ ޓަކިޒާކީ އެވެ. މި ޑައިލޮގްގައި ދެޤައުމުގެ މެދުގައި އިޤްތިސާދީ އެކި ދާއިރާތަކުން ގުޅުން ބަދަހިކުރުމާއި ބެހޭ ގޮތުންނާއި، ސަރަހައްދީ އަދި ބައިނަލްއަޤްވާމީ އެކި ކަންކަމުގައި ގުޅިގެން މަސައްކަތްކުރުމާއި ބެހޭ ގޮތުން މަޝްވަރާކުރެވުނު ކަމަށް ފޮރިން މިނިސްޓްރީން މައުލޫމާތުދެއެވެ.
