ކ. މާލެ
|
26 އޯގަސްޓް 2019 | ހޯމަ 08:21
ޔޫތު ލީގުގެ ފެށުން
ޔޫތު ލީގުގެ ފެށުން
އަތޫފް އާތިފް
ޔޫތް ލީގު
ދިރާގު ޔޫތް ލީގުގެ މެޗުތައް ފަށައިފި
 
ޔޫތް ލީގުގައި މިއަހަރު 11 އެކަޑެމީ އިން ބައިވެރިވޭ

ފުޓުބޯޅަ އެސޯސިއޭޝަން އޮފް މޯލްޑިވްސް އިން އިންތިޒާމު ކޮށް ބާއްވާ ދިރާގު ޔޫތް ލީގުގެ ކުޅުން ފަށައިފިއެވެ.

މުބާރާތް ކުރިޔަށް ދަނީ ދެ ބަޔަކަށް ބަހައިލެވިގެންނެވެ. އެއީ 12 އަހަރުން ދަށުގެ ބަޔާއި 14 އަހަރުން ދަށުގެ ބަޔެވެ.

އާދީއްތަ ދުވަހު ކުޅުން ފެށިގެން ދިޔައީ 14 އަހަރުން ދަށުގެ ބައެވެ.

މުބާރާތުގައި އާދީއްތަ ދުވަހުގެ ހަވީރު ދެމެޗު ކުޅެވިގެން ދިޔައިރު ފުރަތަމަ މެޗުގައި ބައްދަލުކުރީ ބީޖީ ސްޕޯޓްސް އެކަޑެމީ އާއި ހުޅުމާލޭ ސްޕޯޓްސް ސްކޫލެވެ. މި މެޗު ފަސޭހަކަމާއެކު ބިޖީ ސްޕޯޓްސް އެކަޑެމީ ކޮޅަށް ހަ ލަނޑު ޖަހާ ހުޅުމާލޭ ސްޕޯޓްސް ސްކޫލުން ވަނީ ކާމިޔާބުކޮށްފައެވެ.

އާދީއްތަ ދުވަހު ހަވީރު ކުޅުނު ދެވަނަ މެޗު ފަސޭހަ ކަމާއެކު މާޒިޔާ ފްޓްބޯލް އެކަޑަމީއިން ކާމިޔާބު ކުރީ ހުޅުމާލޭ ސްޕޯޓްސް އެކަޑެމީ އާއި ކުޅެގެންނެވެ. މި މެޗުގައި މާޒިޔާއިން ވަނީ ހުޅުމާލޭ ސްޕޯޓްސް އެކަޑެމީ ކޮޅަށް 6 ލަނޑު ޖަހައިފައެވެ.

މި މުބާރާތުގައި މި އަހަރު 11 އެކަޑަމީ އިން ވާދަ ކުރެއެވެ. އެއީ ބޯޖީ ސްޕޯޓްސް އެކަޑަމީ، ހުޅުމާލޭ ސްޕޯޓްސް ސްކޫލް، ހުޅުމާލޭ ސްޕޯޓްސް އެކަޑެމީ، މާޒިޔާ ފުޓުބޯޅަ އެކަޑެމީ، އީގަލްސް ފުޓުބޯޅަ އެކަޑަމީ، ޓީސީ ފުޓުބޯޅަ އެކަޑަމީ، މޯލްޑިވްސް ސޮކާ މޭޓްސް، އެމްއެސް ހެލްޕިން ހޭންޑް ސްޕޯޓްސް އެކަޑެމީ، އާލީ ޓަޗް ފުޓުބޯޅަ އެކަޑެމީ ވިކްޓްރީ ސްޕޯޓްސް ކުލަބް އެކަޑެމީ އަދި ހުޅުމާލޭ ޔޫތް އެންޑް ސްޕޯޓްސް އެކަޑެމީއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ލީވާން އަލީ
0%
0%
0%
0%
0%
0%
ކޮމެންޓް