ނިމިގެންދިޔަ ހަފްތާގައި ސްޓިކާ ޖެހި އަދަދު 700 އަށް އަރައިފި
25 އޯގަސްޓު 2019 | އާދީއްތަ 11:11ލައިސެންސް ނެތި ދުއްވައިގެން 140 މީހަކު ހުއްޓުވި
ފުލުހުން އުޅަނދު ތަކެއްގައި ސްޓިކާ ޖަހަނީ
އީދު ބަންދަށް ފަހު ނިމިގެން ދިޔަ ހަފްތާގައި ސްޓިކާ ޖެހި އަދަދު އިތުރުވެއްޖެއެވެ. އަޝްހާ އީދު ބަންދުގައި ފުލުހުން ސްޓިކާ ޖަހާފައިވަނީ 44 އުޅަނދެއްގައެވެ.
އާދިއްތަ ދުވަހު ފުލުހުން އާއްމުކޮށްފައިވާ ތަފާސް ހިސާބުތައް ދައްކާ ގޮތުން މި މަހުގެ 17 އިން 23 އާ ދެމެދު ގަވާއިދާ ހިލާފުކޮށް ޕާކް ކޮށްގެން ފުލުހުން ވަނީ 769 އުޅަނދެއްގައި ސްޓިކާ ޖަހާފައެވެ. އަދި ލައިސެންސް ނެތި ދުއްވައިގެން 140 މީހަކު ދުއްވާފައިވާއިރު، އިންޝިއުރެންސް އަދި ރޯޑް ވޯތިނެސް ނެތި 115 ފަރާތެއް ދުއްވާފައިވާ ކަމަށް ތަފާސް ހިސާބުތަކުން ދައްކައެވެ.
ނިމިގެން ދިޔަ ހަފްތާގައި ލައިސެންސް ކާޑުނެތި 107 މީހަކު ދުއްވާފައިވާއިރު، ބާރު ސްޕީޑުގައި ދުއްވައިގެން 52 އުޅަނދެއް ހުއްުޓުވާފައިވާ ކަމަށް ފުލުހުންގެ ތަފާސް ހިސާބުތަކުން ދައްކައެވެ.
ފުލުހުން ގިނަ އަދަދެއްގެ އުޅަނދުތަކެއްގައި ސްޓިކާ ޖަހާފައިވާ ކަަމަށް ތަފާސް ހިސާބުތަކުން ދައްކާއިރު، އެއްގަމު އުޅަނދު ތަކުގައި ސްޓިކާ ޖަހަނީ އާއްމުންނަށް އުނދަގޫވާ ގޮޮތަށް ޕާކް ކުރާތީ ކަމަށް ޓްރާންސްޕޯޓް މިނިސްޓަރު އައިޝަތު ނަހުލާ ވަނީ ރައްޔިތުންގެ މަޖިލީހުގައި ވިދާޅުވެފައެވެ.
އެގޮތުން މިހާރު ސްޓިކާ ޖަހާ ތަންތަނަކީ، މިސްކިތްތަކަށް ވަދެ ނިކުމެ ދަތިވާގޮތަށް ޕާކް ކޮށްފައި ހުންނަ އުޅަނދު ތަކުގައި އާއި ކަފި ހުރަސް ނުވަތަ ދުވާރު މަތީގައި ބަހައްޓާފަ ހުންނަ އުޅަނދުތަކާއި މަގު ނުވަތަ ގޯޅި ކަންމަތީ ގައި ބަހައްޓާފައި ހުންނަ އެއްގަމު އުޅަނދުގެ އިތރުުން ސްކޫލުތަކަށް އަންނަ ދަރިވަރުން ނުވަތަ ބެލެނި ވެރިންނަށް ދަތިވާ ގޮތަށް އެ ސަރަހައްދުގައި ބަހައްޓާފައި ހުންނަ އުޅަނދު ތަކުގައި ކަމަށް މިނިސްޓަރު ވިދާޅުވިއެވެ.
އެއްގަމު އުޅަނދުގައި ފުލުހުން ސްޓިކާ ޖަހައިގެން ބައި މިލިއަނެއްހާ ރުފިޔާ މިދިޔަ މެއި މަހުގެ ތެރޭގައި އެކަނި ވެސް ހޯދަފައިވާކަން ފުލުހުންގެ ތަފާސް ހިސާބުތަކުން ދައްކައެވެ.
