ލ. މާމެންދޫ އިމާރަތްކުރަމުންދިޔަ އިމާރާތެއްގެ ފާރެއް ވެއްޓި ދެ މީހަކަށް އަނިޔާވެއްޖެ

ލ. މާމެންދޫގައި އިމާރަތްކުރަމުން ދިޔަ އިމާރާތެއްގެ ފާރެއް ވެއްޓި ދެ މީހަކަށް އަނިޔާވެއްޖެ އެވެ.

ފުލުހުން ބުނީ އެ ފާރު ވެއްޓިފައިވަނީ ގޭގެ ގޯތިތެރޭގައި ހުރި އެހެން އިމާރާތެއްގެ މައްޗަށް ކަމަށެވެ. އަދި އެ އިމާރާތުގައި ހުރި ސިމެންތި ފުރާޅު ފަޅައިގެންގޮސް، ކޮޓަރީގެ ސީލިންގ އާއެކު ކޮޓަރިތެރެޔަށް ފާރުވެއްޓިފައިވާކަމަށާއި އެ ވަގުތުގައި ދެ މީހަކު ކޮޓަރީގައި ތިބިކަމަށެވެ.

ފުލުހުން ބުނިގޮތުގައި އެ ވަގުތު ކޮޓަރީގައި ތިބީ 2 އަހަރު ކުޑަ ކުއްޖަކާއި، 38 އަހަރު ފިރިހެނެކެވެ. އަދި އެ ދެ މީހުންނަށްވެސް އެކިވަރުގެ އަނިޔާތައް ލިބި ހޮސްޕިޓަލުގައި ފަރުވާދީފައިވާކަމަށް ފުލުހުން ބުނެ އެވެ. ނަމަވެސް މި ހާދިސާގައި އެއްވެސް މީހަކަށް ސީރިއަސް އަނިޔާތަކެއް ލިބިފައެއް ނުވެއެވެ.

ފުލުހުން ބުނިގޮތުގައި ވެއްޓިފައިވަނީ ރޭނުމަށްފަހު ނުހިކި ހުރި ފާރެކެވެ. އަދި އެ ފާރުވެއްޓިފައިވަނީ ވައިޖެހުމުގެ ސަބަބުންކަމަށް ފުލުހުން ބުންޏެވެ.

ފުލުހުން އަންނަނީ ވަގުތީގޮތުން ދިރިއުޅެވޭނެ ހާލަތަކަށް ގެނައުމަށް އެ ގެ ސާފުކޮށް، ގޭގެ ފުރާޅުގައި ތިނު ޖަހައިދިނުމަށް އެހީތެރިވެދެމުންކަމަށް ފުލުހުން ބުންޏެވެ.