ބުރާސްފަތި 20 ފެބުރުއަރީ 2020
ހިޔަވިހާ 7
1441 ޖުމާދުލް އާހިރަތު 26
ފަތިސް 05:06
އިރުއަރާ 06:18
މެންދުރު 12:24
އަސްރު 15:40
މަޣްރިބް 18:22
އިޝާ 19:34
ރާއްޖެ - ފަތުރުވެރިއަކު ގެއްލުން

ކަނޑޫމާ ތިލައަށް ފީނަން ފޭބި އަންހެން ފަތުރުވެރިއާ އަދިވެސް ނުފެނޭ: އެމްއެންޑީއެފް

  • ހާދިސާގެ ރިޕޯރޓް ކޮށްފައިވަނީ އާދިއްތަ ދުވަހު
  • އޭނާ ހޯދުމުގެ މަސައްކަތް ކޯސްޓްގާރޑުން ދަނީ ކުރަމުން

އަމްނާ އިމާދު
amnabinthimad

ކ. މާލެ 19 އޯގަސްޓު 2019 | ހޯމަ 11:25 1,891

އެމްއެންޑީއެފް މާލޭ އޭރިއާ ކޯސްޓްގާރޑް - މުހައްމަދު ޝަރުހާން

ކަނޑޫމާ ތިލައަށް ޑައިވިންގއަށް ފޭބި އަންހެން ފަތުރުވެރިއާ އަދިވެސް ނުފެންނަ ކަމަށް މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން ބުނެފިއެވެ.

އެމްއެންޑީއެފްގެ މީޑިއާ އޮފިޝަލު ވިދާޅުވީ، ކަނޑޫމާތިލައަށް "އޯސީއޭ އެމްސެވަން އެސް" ނަމަކަށް ކިޔާ ސަފާރީއެއްގައި ފީނަން ފޭބި އަންހެން ފަތުރުވެރިއެއްގެ ޚަބަރެއް ނުވެގެން އެމްއެންޑީއެފްގެ މެރިޓައިމް ރެސްކިއު ކޯޑިނޭޝަން ސެންޓަރ (އެމްއާރްސީސީ) އަށް ރިޕޯރޓް ކޮށްފައިވަނީ އާދިއްތަ ދުވަހުގެ މެންދުރު 13:09 ހާއިރު ކަމަށެވެ.

އެމްއެންޑީއެފުން ބުނީ އޭނާ ހޯދުމުގެ މަސައްކަތް އެމްއެންޑީއެފް މާލޭ އޭރިއާ ކޯސްޓްގާރޑް ސްކޮޑްރަން އިން ކުރަމުންދާ ކަމަށާއި، އަދި މިހާތަނަށް ކުރި މަސައްކަތުން އެމީހާ ފެނިފައިނުވާ ކަމަށެވެ.

އެމްއެންޑީއެފުން އިތުރަށް ބުނީ، އޭނާ ޑައިވިންގއަށް ފޭބީ 22 ފަތުރުވެރިންގެ ޓީމަކާއެކު ކަމަށާއި، އޭނާއާ ބެހޭ އިތުރު މައުލޫމާތު އެމްއެންޑީއެފުން ބަލަމުންދާ ކަމަށެވެ.

ފަހަކަށް އައިސް ކަނޑުމަތީގެ އެކި ހާދިސާތައް އިތުރުވެފައިވާއިރު، ޑައިވިންގއަށްދާ ފަރާތްތަކާއި، ކަނޑުދަތުރުފަތުރު ކުރައްވާ ފަރާތްތަކުންވެސް އެކަންކަމަށް ސަމާލުވުމަށް އެމްއެންޑީއެފުން ދަނީ ކެނޑިނޭޅި އިލްތިމާސްކުރަމުންނެވެ.

އެންމެ ފަހުން އަޕްޑޭޓް ކުރީ: 6 މަސް ކުރިން | ރިވިއު ކުރީ: ހުޝާމް މުހަޢްމަދް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް