175 މީހުންނާއެކު އިންޖީނު ހުއްޓުނު ލޯންޗުގައި ދަތުރުކުރި މީހުން ސީ އެމްބިއުލާންސްގައި މާލެއަށް
ލޯންޗު ކައިރީގައި އެމްއެންޑީއެފް އިން އަންނަނީ ހަރަކާތްތެރި ވަމުން
އޯޝެން 20 އުފާ ލޯންޗު ކައިރީގައި އެމްއެންޑީއެފް ގެ އުޅަނދު ހަރަކާތްތެރި ވަނީ
ތ. އަތޮޅުން 175 މީހުންނާއިއެކު މާލެ ދަތުރު ކުރަމިންދިޔަ "އޯޝެން 20 އުފާ" ނަމަކަށް ކިޔާ ފެރީ ލޯންޗަކަށް އެމްއެންޑީއެފް އިން އެހީވާން ފަށައިފިއެވެ.
އެމްއެންޑީއެފް އިން ބުނީ 175 މީހުންނާއެކު މާލެ ދަތުރުކުރަމުންދިޔަ ފެރީ ލޯންޗުގައި ތިބި ކުޑަކުދިންނާއި، އަންހެނުންގެ އިތުރުން ދުވަސްވީ މީހުން އެމްއެންޑީއެފް ސީ އެމްބިއުލާންސްގައި މާލެ ގެނައުމުގެ މަސައްކަތް ފަށައިފައިވާ ކަމަށާއި ސީ އެމްބިއުލާންސްއަށް މާލެ އާދެވޭނެ ކަމަށް ލަފާ ކުރެވެނީ ހޮނިހިރު ދުވަހުގެރޭ 23:00 ހާއިރުކަމަށެވެ.
އެމްއެންޑީއެފް އިން ބުނީ ލޯންޗުގެ އިންޖީނު ހުއްޓިފައިވަނީ ތެޔޮ ހުސްވެގެން ކަމަށެވެ. މީގެ އިތުރުން އެމްއެންޑީއެފް އިން ބުނީ ލޯންޗަށް ތެޔޮ ހިފައިގެން އެހެން އުޅަދެއް ދަތުރުކުރަމުން އަންނަ ކަމަށެވެ.
ލޯންޗު ކައިރީގައި އެމްއެންޑީއެފް ސީއެމްބިއުލާންސްގެ އިތުރުން ކޯސްޓު ގާރޑްގެ ލޯންޗު އެފްއައިސީ ވެލާނާ ހަރަކާތްތެރިވަމުންދެއެވެ.
